Պատճառը վերացրեք...Ոչ թե ծառը կտրողին բռնեք

Ոչ թե ծառը կտրողին բռնեք այլ 
Լևոն Ռոբերտ Սերժ եռյակին իրենց կլանով և գողոնը վերադարձրեք ժողովրդին

Երևի շատ հին եմ, ուղղակի այն հնի մեջ ամեն ինչ գեղեցիկ էր, թե կյանքը, թե հարաբերությունները, թե արժեքները: Կար պարտքի զգացում, կար նպատակ, կար վաղվա օր:
Եկավ 88-ը և ամբողջ աշխարհը գլխի վայր շուռ եկավ՝ ՎԵՐԱԿԱՌՈՒՑՈՒՄ: Ոգևորված էինք, պահանջում էինք միացում՝ ԱՐՑԱԽ-ՀԱՅԱՍՏԱՆ: Մեր նենգ թշամին վաղուց էր պլանավորել իրեն չպատկանող երկիրը ամբողջովին դարձնել իրենը ու սկսվեց սպանդ հայերի հանդեպ: Ոտքի կանգնեց ազգս՝ սերունդ, ով գիտեր հայրենիք, մեծ ու փոքր,մեր ու մանուկ, ցավ ու խինդ, ամենը մեկտեղված ուղղակի ՀԱՅԱՍՏԱՆ, որն էլ արժեցավ 7000 կյանք: Արդյունքում ունեցանք անկախ Հայաստան, ազատագրված Արցախ և ծախված ղեկավարություն՝ Լևոն Տեր-Պետրոսյան կլանը, կլան, որը դարձել էր Ռուսաստանի խամաճիկը: Այո Լևոնի կլանը սկիզբ դրեց Հայաստանի քանդմանը՝ զարգացած արդյունաբերական Հայաստանը մեկ տարվա մեջ վերածեցին ֆեոդալական-վաճառական Հայաստանի և Նոր Տարվա մաղթանքն էլ հղեց ժողովրդին՝ պարտք արեք ապրեք, իսկ իրենք իրեց սոված կլանով ընկել էին ոսկու կարասը՝ էս քեզ , էս ինձ , էս էլի ինձ տարբերակով: Սկսեցին ցոփ ու շվայտ կյանք վարելով, պետական ունեցվածքը մաս մաս սեփականաշնորհելով, կայֆեր անելով ապրել, իսկ ժողովուրդը եղած չեղածը վաճառելով, նավթ գնելով, կտրոնով հաց ու շաքար գնելով ապրում էր ասելով պատերազմ է, հեղափոխություն ենք արել, պետք է դիմանանք: Այնքան հոռացան, որ իրար սկսեցին ուտել և Վազգենը Լևոնին արենայից հանելով, բերեց Ռոբերտին, քանի որ միևնույն կարասից էին օգտվում իրար չէին նեղացնում ու դարձավ բնավորություն քերել ու քերել հայրենիքի տաշտակը ինչքան հնարավոր է, որտեղից հնարավոր է, ուրագի պես միշտ դեպի իրենց: Սկսեցին խոշոր չափով թալան՝ բանակից, բարերարներից, նույնիսկ չծնված սերունդներից: Մասնագետները մնացին դրսում, ինչքան անգրագետ կար նստեց կարասի գլխին: ՈՒ այ ստեղ էլ մեր ազգի տունը քանդվեց, հերթական ռուսի վարձկանն էր եկել, որին էլ հաջորդեց երրորդը՝ շախամտի քայլերով թալանչին: Եռագլխանի դևն իր սև գործն արել էր՝ ունենք ,, անկախ,, Հայաստան, որն արժե 9600 կյանք, 10400 վիրավոր, մուրացկանության հասած և գաղթի ճամփեն բռնած ժողովուրդ: Սատանայի վկաները դարձան Հայաստանի իշխանություն և հայրենիքումս վերացրեցին ամեն ինչ՝ կարևոր արժեքներ՝ մեր ու մանուկ, մեծ ու փոքր, մարդկային հարաբերություններում եղած ամեն մի դրականը քանդվեց, մնաց փող, փող, փող: Ու սկսեցին իրենք իրենց կոկորդները կրծել, զինվորի կյանքը վաճառել այդ փողի քանակն ավելացնելու համար: Ժողովուրդն էլ հավատով հայտնվեց մի անպատմելի, մի նվաստ վիճակում; Երկրում գլուխ բարձրացրեց սովը,մուրացկանությունը, գողությունը, հանցագործությունը, անգրագիտությունը, այլասերվածությունը և սերնդապղծություը: Հայաստանը իր պատմության մեջ այսպիսի իշխանություն չէր ունեցել, որ քնեն արթնանան ու իր ժողովրդին կործանեն; Ապրիլյան պատերազմը վերջին խազն էր, ժողովորդը շատ լավ հասկացավ, որ մեր տղեքին մեր իսկ ղեկավարությունը մատաղ արեց՝ գործարք էր, փողի նոր աղբյուր շաաաաատ փողի, բայց մեր երեխեքը, ովքեր մեծացել էին Արցախյան ազատամարտի շնչի ներքո, քանդեցին նրանց պլանները: Ազգս նոր շունչ առած, վրեժով լցված գահընկեց արեց այդ անկուշտ կլանին և իշխանությունը հանձնեցին իրենց կողմից ընտրյալին և նրա թիմին :
Առաջին իսկ օրից մինչ այսօր դեռ ոչմի ճիշտ քայլ չի արվել՝
նույն երգն է երգվում նորելուկ կատարողներով՝
1. ընտրվեցին կադրեր գործից անտեղյակները՝ վստահության քվեով,
2. ընտրվեցին ծանոթ խնամի բարեկամ տարբերակով,
3.ազգայի ժողովում թե կային 100 պատգամավոր, դարձան 132-ը, դե չէին կարող ախպերությանը նեղացնե ու էլի բյուջեի մղսում:
4.թե Լևոն չելածը արդյունաբերությունը վերացրեց, սրանք ավիրեցին կրթական և մշակութային ոլորտը;
5. ամենակարևորը, եկան ու էլի սա քեզ սա ինձ տարբերակը գործեց, մեկի մտքով չանցավ, որ ասի ախպեր ջան եկեք մեկ տարի աշխատենք այն աշխատավարձով, որ ստանում էինք երեկ, ախր հեղափոխություն արեցինք նպատակի համար, ժողովուրդը հավատաց մեզ, ուրեմն եկեք ապացուցենք որ գնում ենք հանրային շահի լավացման՝ ստեղծենք արդյունաբերություն, աշխատատեղեր, լավացնենք ամենաառաջինը կրթական ոլորտը, կարևորենք ընտանիքի մոդելը; չէ ո՞նց կարելի է, ՆՍՏԱԾ ՕՐԻՑ , ԳՐԵԹԵ ՄԵԿ ՏԱՐԻ ՈՒ ԿԵՍ ՀԱՄԵՄԱՏՎՈՒՄ ԵՆ ՀՀԿ-ի հետ: Հասկացանք, գործեք, համեմատելը թողեք ժողովրդին, երբ ժողովուրդը հասկացավ որ մի փոքր իր կյանքը բարելավվել է, ուրեմն ԳՈՐԾ ԵՔ ԱՐԵԼ, կարող եք հանգիստ ձեր աշխատավարձերը կանոնակարգել: 
Նույն ոսկու կարասի պատմությունը կրկնվեց՝ մի նախարարը իրենից անգրագետ ու անգիտակ տեղակալներ , օգնականներ ու խորհրդականներ, տո ինչ կարգի ծանոթ ու բարեկամ , տո ինչ հաստիք ասես որ չիջացրեցին ու սկսվեց չեղած բյուջեի քերումը: Հիմա մեր ժողովուրդը դարձել է ավելի գռեհիկ, ավելի արժեզրկված, փրփուրներից կախված, իրեն գտել է խաբված վիճակում: Հիմա 88-ի կիրթ և դաստիարակված սերունդը չէ, հիմա սոված, արժեզրկված, մի փոր հացի համար կոկորդ կտրող, հայի գենի ոչնչացման համար պայքարող, թշնամու ջաղացին ջուր լցնող ինչ որ տեսակ և գործից չհասկացող կամ էլ նպատակով ևս եկած ազգս ոչնչացնող իշխանություն:
ՈՒՇՔԻ ԵԿԵՔ ՔԱՆԻ ԴԵՌ ՈՒՇ ՉԷ, ՔԱՆԻ ՈՒՇ ՉԷ ՍԹԱՓՎԵՔ և ԱՎԵԼԻ ՇԻՏԱԿ ՔԱՅԼԵՐ ԱՐԵՔ, ԴԵՌ ԿՀԱՍՑՆԵՔ ՀԱՐՍՏԱՆԱԼ, ՈՐՔԱՆ ԵՐԿԻՐԸ ԶԱՐԳԱՑՆԵՔ, ՔԱՂԱՔԱՑՈՒՆ ԱՊԱՀՈՎԵՔ, ԱՅՆՔԱՆ ՇՈՒՏ ՈՏՔԻ ԿԿԱՆԳՆԵՆՔ: ԺՈՂՈՎՐԴԻ ՔԱՅԼԻ ՆՊԱՏԱԿԸ ՍԱ ԷՐ................................

 ՄԱՆՈՒՇԱԿ  ՍՏԵՓԱՆՅԱՆ