Պատուհաս Արցախի համար. «Պոեզդը եկավ»

Մեկնարկել է երկրապահների ամենամյա ուխտագնացությունը Արցախ: ՀՀԿ պատգամավոր գեներալ Մանվել Գրիգորյանը ԵԿՄ-ականների հետ մեկնում է Արցախ, շրջում «մարտական փառքի վայրերով», կազմակերպում քեֆեր։ Նա նշում է նաեւ Ֆիզուլիի ազատագրման օրը, որի ժամանակ նա եղել է հարավային ճակատում:

Արցախում սովորաբար տհաճությամբ են սպասում այս օրերին, սակայն չեն ցանկանում վիրավորել Մանվելին ու երկրապահներին: Այդ այցերի ժամանակ սովորաբար տհաճ միջադեպեր են լինում: Օրինակ, Ֆիզուլիի ազատագրման օրվա տոնակատարությունների մեջ էր մտնում յուրահատուկ մի ծես, երբ Մանվելի հրամանով երկրապահներն ու հյուրերը «պոեզդ են անում». Շարվում են իրար հետեւից, մոտավորապես ընդունում գնացքի անիվների կառուցվածքին համընկնող պոզա եւ գնացքի ձայն հանելով քայլում բաց դաշտում:

Ապրիլյան պատերազմի ժամանակ գեներալ Մանվելի ու երկրապահների ներկայությունը դիրքերի մոտակայքում համբերությունից հանում էր բանակին ու դաշտային հրամանատարներին: Այդ մասին, դրա պատճառների մասին ԶԼՄ-ներում շատ է գրվել: Եվ նրանք Սերժ Սարգսյանից պահանջում էին հետ կանչել Մանվելին:

Ժամանակն է երեւի, որ վերջ տրվի նաեւ այս ուխտագնացություններին, կամ գոնե փոխվի «ձեւաչափը»:

lragir.am