Photo. Աշնանը մեծ էկրան կբարձրանա «Շանթ» հեռուստաընկերության նկարահանած նոր գեղարվեստական ֆիլմը

Այս տարվա աշնանը մեծ էկրան կբարձրանա «Շանթ» հեռուստաընկերության նկարահանած նոր գեղարվեստական ֆիլմը:

Հեռուստաընկերությունը սկսել է սիրված և հեռուստատեսային բարձր ռեյտինգ ապահոված «Որոգայթ» հեռուստասերիալի մոտիվներով գեղարվեստական լիամետրաժ ֆիլմի նկարահանումը:

Թեման, որքան էլ հետխորհրդային հասարակություններին հատուկ միջավայրերի պատմություն է, այնուամենայնիվ, շոշափում է համամարդկային խնդիր: Միջավայրից առանձնացող, օժտված անհատների սխալ, կործանարար ճանապարհ ընտրելը կրկնակի ցավալի ու դրամատիկ է:

Ֆիլմի իրական ու կործանարար բախումներին ու կռիվներին զուգահեռ հերոսի ներքին պայքարն է ներսում պահպանված, գլուխ բարձրացնող մարդկային վեհ ու ազնիվ մղումների ու իր ամենօրյա գազանային, գիշատիչ կյանքի միջև:

Այս պատմությունը հրաշալի օրինակ է այն բանի, որ կամային բարձր ունակություններն ու շնորհները սխալ ուղղությամբ ու ի չարս գործադրելը առանց բացառության կործանման է տանում:

ֆիլմում գլխավոր դերերը մարմնավորում են հայկական հեռուստաեթերի և կինոարտադրության ամենահայտնի ներկայացուցիչները: «Որոգայթում» նկարահանվել են Հարություն Մովսիսյանը, Սարգիս Գրիգորյանը, Սոս Ջանիբեկյանը, Ալեքսանդր Խաչատրյանը, Սոֆյա Պողոսյանը, Գրիգոր Աղախանյանը, Ստեփան Ղամբարյանը, Մարջան Ավետիսյանը, Արմեն Մարգարյանը, Ելենա Բորիսենկոն, Արփինե Գաբրիելյանը, Սաթենիկ Հախնազարյանը և ուրիշներ: Ռեժիսորն է Ռոման Մուշեղյանը: