Փոքրիկ Արեգը պայքարում է քաղցկեղի դեմ․ Գերմանիայում բուժման համար 100 հազար երվո է պետք

Փոքրիկ Արեգը, որ մարտի 10-ին դառնալու է չորս տարեկան, արդեն մեկ տարի է՝ պայքարում է քաղցկեղի դեմ՝ քիմիաների ու վիրահատությունների, անվերջ հետազոտությունների, բժիշկների ու հիվանդանոցային պատերի մեջ։

Նրան գերմանական Քյոլնի կլինիկայում քիմիաթերապիայի և դրան հետևող ոսկրածուծի փոխպատվաստման համար պետք է վճարել 100,000 եվրո։

Արեգի բուժման անհրաժեշտ գումարը հավաքելու համար հանգանակություն է կազմակերպվել youcaring.com հարթակում (արդեն հավաքվել է 50 հազար եվրո), իսկ հանգանակության գործընթացը խթանելու համար հատուկ հայտարարություն տարածվել Facebook-ում, որում ասված է․

«Մարտի 10-ին Արեգը դառնալու է չորս տարեկան։

Այս լուսանկարն արվել է անցած տարվա մարտի 10-ին, երբ ինքը դեռ անհոգ, ուրախ, առողջ մարդուկ էր, ու ոչ մեկիս մտքով չէր անցնում, որ իր կյանքի հաջորդ տարվա կեսից ավելին անցնելու է քաղցկեղի դեմ պայքարում՝ քիմիաների ու վիրահատությունների, անվերջ հետազոտությունների, բժիշկների ու հիվանդանոցային պատերի մեջ…

Մինչ այս պահը, այս լարված ու ծանր պայքարը անցել է բավականին բարեհաջող, ու իր սեփական կամքի, իր ծնողների ու բարի մարդկանց շնորհիվ՝ Արեգը, մի տարում մեծանալով շա՜տ ավելի, քան սովորական երեխաները, օրեր անց նշելու է իր ծննդյան օրը, որին սպասում է շա՜տ անհամբեր։

Կյանքը թանկ է, ինչպես ասում է Արեգի մամա Աննան, ով այսօր նամակ է ստացել Քյոլնի կլինիկայից առ այն, որ պետք է մինչև մարտի 15-ը մուծի 100,000 եվրո։ Սա այս փուլի՝ քիմիաթերապիայի և դրան հետևող ոսկրածուծի փոխպատվաստման համար անհրաժեշտ վերջին մուծումն է. մինչ այս նամակը ստանալը, բուժման սկզբից ի վեր, ընտանիքը, հազարավոր բարի մարդկանց օգնությամբ, արդեն վճարել է 90,000 եվրո, անցել քիմիայի վեց փուլ, ուռուցքի և ախտահարված լիմֆատիկ հանգույցների հեռացման վիրահատություն։

Եկեք միասին օգնենք երեխային՝ հնարավորինս ուրախ նշել իր ծննդյան օրը, վստահ, որ այս փուլի վերջին գումարը ևս տրվելու է, ու նա կայուն քայլերով առաջ է շարժվելու դեպի վերջնական առողջացում։

Օնլայն փոխանցման համար՝ https://www.youcaring.com/aregkhachatryan-957490

Բանկային փոխանցման համար՝ Աննա Բաբաջանյան, HSBC,

AMD 217001243302001

USD 217001243302101

EUR 217001243302102

Եթե ԱՐՔԱ-յով տարբերակն ավելի հարմար է, սա իր պապայի արքա համարն է. 5571150500002945 Ա. Խաչատրյան»։