«Փսլնքոտ» բացատրությունների փոխարեն՝ Ռուսաստանը պետք է ուղիղ ասի

«Առավոտ»-ը գրում է

ՌԴ փոխվարչապետ Դմիտրի Ռոգոզինը իր վերջին հարցազրույցում խոսելով Ադրբեջանին ՌԴ-ի կողմից զենքի վաճառքի առիթով Հայաստանում առաջացած դժզոհության մասին՝ ասել է. «Այնտեղ դեմագոգիա է սկս­վել ահավոր։ Չեմ ուզում մատնացույց անել, բայց որոշ ղարաբաղցիներ իրենց լավ չպահեցին։ Պատերազմը սառնասրտություն է պահանջում, ոչ թե ինչ-որ լղոզված քարոզչական փսլինքներ»։ ՌԴ փոխվարչապետի ասածները «ռեալ-պոլիտիկի» տեսանկյունից, «Նոր ժամանակներ» կուսակցության նախագահ Արամ Կարա­պետյանի մատուցմամբ, նշանակում են, որ ՌԴ-ն շարունակելու է զենք վաճառել Հայաստանին և Ադրբեջա­նին։

«Կան զինատեսակներ, որոնք եթե ՌԴ-ն Ադրբեջանին չվաճառի, այդ գնով և այդ քանակով Ադրբեջանը չի կարող ձեռք բերել այլ պետությունից։ Սա փաստ է։ Կան, իհարկե, երկրներ, որոնք Ադրբեջանին զենք են վաճառում, բայց դրանք այն զինատեսակները չեն, որոնք կան ՌԴ-ում։ Կան զինատեսակներ, որոնք ԱՍՆ-ը, Գերմանիան, Ֆրանսիան մոտավորապես նույն քանակությամբ կարող են վաճառել Ադրբեջանին, բայց այդ երկրները էմբարգոյի մեջ են ՝ ոչ մեզ են վաճառում, ոչ Ադրբեջանին»,- ասաց Արամ Կարապետյանը ՝ հակադարձելով ՌԴ փոխվարչապետի այն դիտարկումներին, որ եթե ՌԴ-ն դադարեցնի երկրներրց մեկի հետ ռազմատեխնիկական համագործակցությունը, այնտեղ անմիջապես կհայտնվեն ԱՄՆ-ը և ՆԱՏՕ-ն։

Մանրամասները` թերթի այսօրվա համարում: