Պուտինը Հայաստանից մեկնեց զայրացած

Lragir.am-ը գրում է .
ՌԴ նախագահը Երեւանում մասնակցեց Ցեղասպանության 100-ամյա տարելիցի միջոցառումներին: Նա իր ելույթում ցեղասպանություն բառը չասաց, ավելին, Թուրքիային փաստացի երաշխիքներ տվեց, որ կչեզոքացնի Հայաստանի ու հայության պահանջները:
Նրա այցը Երեւան սակայն հատկանշական էր մի շարք այլ առումներով: Երկար ժամանակ նա տատանվում էր, թե ուր մեկնի՝ Երեւա՞ն, թե Գալիպոլիի խեղկատակությանը, որ անհաջող բեմադրել էին թուրքերը հայերի ցեղասպանության 100-ամյա տարելիցը մթագնելու համար: Կշեռքի նժարին երկու ծանր քար էր դրված, որոնցից յուրաքանչյուրը ճակատագրական նշանակություն ուներ Ռուսաստանի ու անձամբ Պուտինի համար:
Պուտինն ի վերջո ընտրեց «միջանկյալ» տարբերակ՝ ժամանել Երեւան եւ Թուրքիային Երեւանից երաշխիքներ տալ: Դա հաստատեց նաեւ Պուտինի խոսնակն այցի վերաբերյալ իր մեկնաբանությունում: Դրա իմաստն այն էր, որ Պուտինի այցը Երեւան բխում է ռուս-թուրքական ներկայիս հարաբերության ու երկու երկրների շահերից:
Պուտինը չէր կարող Երեւան չգալ, եւ դա նրա համար «պարզ դարձավ» վերջին պահին: Թուրքիան եւ Ռուսաստանը ներկայում հասցված են մարգինալության աստիճանի, եւ նրանց ղեկավարություններն էլ համապատասխանաբար մարգինալացել են միջազգային ասպարեզում: Թուրքիա գնալով, Պուտինը «կհաստատեր» իր մարգինալ վիճակը, մասնակցելով թուրքական իշխանության կազմակերպած խեղկատակությանը:

Մանրամասն `  սկզբնաղբյուրում: