Քաղաքական դաշտում ճենճոտներ կան, որ խոսում են ժողովրդի անունից. Հովհաննես Մարգարյան (Video)

1in.am-ը գրում է.«Առաջին լրատվական»-ի զրուցակիցն է ԱԺ ՕԵԿ խմբակցության պատգամավոր Հովհաննես Մարգարյանը:

-Եռյակը պահանջներ է բարձրացնում Ազատության հրապարակում: Այդ պահանջները պա՞րզ են Ձեզ համար, թե՞ ոչ, և ի՞նչ պետք է պահանջեն նրանք, որպեսզի վստահություն ձեռք բերեն հանրության մոտ:

-Այն, ինչ խոսվում է հրապարակում, մենք արդեն առիթ ունեցել են ասելու նախագծերի տեսքով, որոնց որոշ մասն արդեն ընդունվել է և շրջանառության մեջ է: Մի խոսքով, հարցեր են, որոնց հետո կապված մենք առաջարկել ենք լուծումներ: Ես կարևորում եմ այդ մոտեցումները: Մենք էլ ունեցանք առիթ, և առաջիկայում էլ բոլորը ականատես կլինեն, որ կարևորագույն սոցիալական խմբերի կարևորագույն խնդիրները, մենք նույնպես կօգտվենք զանգվածային պայքարի այդ ձևից: Ուզում եմ ասել, որ մենք նույնպես ունեցել ենք այդ հարցերի վերաբերյալ մեր մոտեցումները և կարևորում ենք դրանց լուծումները:

-Դուք նկատի ունեք, որ 2014 թ. ՕԵԿ-ը հանրահավա՞ք կանի Ազատության հրապարակում:

-Ես հիմա կոնկրետ ժամանակ չֆիքսեմ, բայց առաջիկայի մեր հանրահավաքը օրգանապես կապված է էլեկտրաէներգիայի և գազի անհիմն թանկացումների հետ, և առաջիկայում պետք է ավարտի ժամանակավոր հանձնաժողովը, և առաջիկայում արդեն իսկ քննարկման առարկա է դարձել, մեր իսկ ներկայացրած օրենքի նախագիծը գտնվում է մեծ օրակարգում: Դա կապված է մեր քաղաքացիների, մասնավորապես վարորդների սահմանդրական իրավունքի ոտնահարման հետ: Մենք բոլորս էլ գիտենք, որ ոտնահարված է Սահմանադրության 31-րդ հոդվածը:

-Ակնհայտ է, որ «Օրինաց Երկիր» կուսակցության նկատմամբ չկա վստահություն:

-Այսինքն՝ ակնհայտ ո՞ւմ կողմից չկա:

-Հանրության կողմից: Սոցհարցումները ցույց են տալիս, որ ՕԵԿ-ի նկատմամբ հանրության կողմից չկա վստահություն, և ընդդիմադիր պահվածքն էլ երբեմն տարակուսանք է առաջացնում:

-Պետք է հիասթափեցնեմ բոլոր այդ ասողներին և կարծողներին, որովհետև գիտենք, թե ինչպես են կատարվում այդ հարցումները:

-Եթե մենք միասին դուրս գանք և հարցնենք, Դուք կտեսնեք իրական արդյունքները:

-Ես էլ կարող եմ ուղեկեցել, Դուք էլ տեսնեք և հրապարակեք այդ ամեն ինչը: Ես առիթ ունեցել եմ մեկ անգամ ներկա գտնվելու այդպիսի հարցման, երբ զանգով էին կատարում նման հարցումները, և սարերի ու ձորերի տարբերություն ստացան: Այսինքն՝ խոսքը գնում է 2-3%-ի այլ տասնյակ տոկոսների տարբերության մասին: Ես չեմ ուզում կասկածի տակ դնել, բայց ես համակարծիք չեմ:

-Դուք Ձեզ ընդդիմադիր գործիչ համարո՞ւմ եք:

-Իհարկե, և ոչ միայն ես եմ համարում: