Քաղաքական սպանությունները ՀՅԴ-ն է կատարո՞ւմ.

A1plus-ը գրում է. Ինչո՞ւ ՀՀՇ-ն չմիացավ «Այլընտրանք» նախաձեռնությանը: «Ա1+»-ի այս և մի շարք այլ հարցերին է պատասխանում «Այլընտրանք»-ի նախաձեռնող խմբի անդամ, ՀՀՇ վարչության անդամ Երջանիկ Աբգարյանը:

-Սա ըստ էության, անձերի միավորում է, և բնականաբար բոլորը ազատ են, ով ցանկություն ունի. ցանկություն այս պահի դրությամբ արտահայտել են այս մարդիկ և նախաձեռնող խումբն է ստեղծվել: Հետագայում մեր դուռը բաց է բոլոր ցանկացողների համար, որոնք ծանոթանալով մեր բրոշյուրին, բնականաբար, տեսնում են այնտեղ որոշակի համակարգված մտածողություն, թե ինչպես երկիրը դուրս հանել այդ հանցագործությունների, միջազգային հարաբերությունների, Հայաստանի դիրքի բացառիկության, տնտեսական դրության խայտառակ իրավիճակից դուրս գալու ճանապարհներն այնտեղ նշված են:

-Ձեր թիմը զգո՞ւմ է արդյոք գործող իշխանությանը «բերելու» պատասխանատվությունը:

-Դա շատ կարևոր հարց է, որը ծամծմվում է հասարակության մեջ: Ես ասեմ. դրանց բերել է ռուսական հատուկ ծառայությունները՝ ԳՌՈՒ-ն և ՓՍԲ-ն, բերել են և փաթաթել հայ ժողովրդի վզին:

-Այսինքն, Ռոբերտ Քոչարյանին Ղարաբաղից Լևոն Տեր-Պետրոսյա՞նը չբերեց Հայաստան:

-Մի րոպե, Լևոն Տեր-Պետրոսյանը նրան բերել է որպես վարչապետ, ոչ թե երկիրը զավթելու համար, նախագահի աթոռը զավթելու համար:

-Վազգեն Սարգսյանի՞ն էլ եք կապում ԳՌՈՒ-ի և ՖՍԲ-ի հետ:

-Վազգեն Սարգսյանը այդ գործում, ներողություն, շատ միամիտ, քաղաքականապես ոչ հասուն մարդու տպավորություն թողեց, նա չհասկացավ՝ գործը ուր է գնում, ուղղակի գիտելիքների բացակայության պատճառով, մի քիչ ազգայնականության մոդայիկ կողմերին տուրք տալով նա գնաց դրան, բայց մայիս ամսին հասկացավ իր սխալը և դրա համար նրա հետագա քայլերը չէին համընկնում Ռոբերտ Քոչարյանի և Սերժ Սարգսյանի քայլերի հետ:

մանրամասները՝ սկզբնաղբյուրում