Քրեական հեղինակություն Ալիկ Բանդուրյանին՝ կալանքի տակ պահելու հիմք չկա

2016թ. նոյեմբերի 13-ին Շենգավիթում "Լիա" գեղեցկության սրահում տեղի ունեցած աղմկահարույց սպանության գործով դատավարական հսկողություն իրականացնող դատախազը նախօրեին ցուցում էր տվել ձերբակալել չարբախցի Գեղամիկի՝ Պետրոս Իսրայելյանի որդուն Գոռ Իսրայելյանին: Սակայն նույն օրը` վերջինիս փաստաբան Գիվի Հովհաննիսյանը բողոք է ներկայացրել դատարան եւ դատարանը ձերբակալումը ոչ իրավաչափ է համարել եւ ազատ արձակել Չարբախցի Գեղամիկի որդուն:

Ամեն դեպքում ինչո՞ւմ էին կասկածում Գոռ Իսրայելյանին, Fnews.am-ը փորձեց հետաքրքրվել վերջինիս փաստաբանից, ով մեզ հետ զրույցում նկատեց.
-Կասկածում էին խմբակային սպանություն կատարելու մեջ` խոսքը "Լիա" գեղեկցկության սրահի սեփականատիրոջ սպանության մասին է: Բայց քանի որ կասկածներն ամբոջովին անհիմն էին՝ նրան ազատ արձակեցին դատարանի որոշմամբ:
Նկատենք, որ նույն գործի շրջանակներում,որպես սպանության դրդիչ կալանավորված է հայտնի հեղինակություն (Նորատուսցի) Ալիկ Բանդուրյանը,ում կալանքը երկարացնելու ժամկետը կրկին մոտնում է: Տարածված լուրեր կան, սակայն, որ վերջինիս կալանքը երկարացնելու միջնորդություն այս անգամ չի ներկայացվի: Որքանով են իրատեսական վերոհիշյալ խոսկացությունները փորձեցինք հետաքրքվել Ալիկ Բանդուրյանի փաստաբան Մկրտիչ Վասակյանից, ով մասնավորապես նշեց.
- Այո շուտով լրանում է պաշտպանյալիս կալանքի ժամկետը երկարցնելու ժամանակը, բայց կերկարացվի, թե ոչ հայտնել չեմ կարող` քանի որ ինքս տեղյակ չեմ: Նշեմ, սակայն, հնարավոր է, որ Ձեր լսած խոսակցությունները համապատասխանեն իրականությանը, քանի որ մենք ի սկզբանե հայտնել ենք, որ Ալիկին կալանքի տակ պահելու որեւէ հիմք չկա: