Քրեական հեղինակություն Վահագն Աբգարյանի շրջապատը շոկի մեջ է

Վահագին սատարում էինք բարձրաստիճան պաշտոնյաններ, ովքեր ամեն ինչ անում էին, որպեսզի վերջինս ստվերում մնա

Օրերս մեծ աղմուկով կալանավորված ալավերդցի քրեական հեղինակության՝ Վահագն Աբգարյանի հետ կատարվածը, ինչպես մեր աղբյուրն է հայտնում՝ շոկի մեջ է գցել հեղինակության մտերիմ շրջապատին։ Քանի որ, ըստ ալավերդցիների՝ Վահագին սատարում էինք բարձրաստիճան պաշտոնյաններ, ովքեր ամեն ինչ անում էին, որպեսզի վերջինս ստվերում մնա։
Նկատենք, որ քրեական հեղինակությունը, ում նկատմամբ ամիսներ առաջ մահափորձ տեղի ունեցավ «Թուֆենկյան» հյուրանոցի մոտ, կալանավորվել է Ալավերդիում ժամանակին ոչ պակաս հեղինակություն վայելող՝Կամո Փիրուզյանի սպանության գործի շրջանակներում: 

Իսկ, թե ի՞նչ չեն կիսել ժամանակին Վահագն Աբգարյանը եւ սպանված ԿամոՓիրուզյանը, մեր աղբյուրը հիշեց. «Բոլորին է հայտնի, որ Ալավերդի քաղաքում բացահայտ գործում էր իրար թշնամի երկու հանցավոր խմբավորում։ Մեկը՝ղեկավարում էր քրեական հեղինակություն Տարոն Աբգարյանը, մյուսը՝ նրա հեռավոր ազգական ու թշնամի Վահագն Աբգարյանը: Վահագը Ալավերդի քաղաքում մինչեւ վերջերս շրջում էր զրահապատ մեքենայով ու բազում թիկնապահներով:2015–ի սեպտեմբերին Ալավերդու քաղաքապետի ընտրություններն էին: Հիմնական թեկնածուները մարզպետ Նալբանդյանի մտերիմ Կարեն Փարեմուզյանն ու վերոհիշյալ հեղինակություն Տարոն Աբգարյանի եղբայրը՝ Արթուր Աբգարյանն էին: Հաղթեց մարզպետի թեկնածուն: Այն ժամանակ էլ Տարոնն ու Վահագնը իրար դեմ էին աշխատում:Մեկ տարի առաջ՝ «կիսագողական» ռազբորկաներից մեկի ժամանակ, Տարոն Աբգարյանի տղաներից Վարդան Փիրուզյանը «Մակարով» ատրճանակից սպանեց Վահագն Աբգարյանի խմբի երկու տղաների՝ Կոտայքի մարզի Առինջ գյուղի բնակիչ Էդվարդ Պողոսյանին և ալավերդցի Վարդան Ավագյանին: Իսկ անցյալ տարի Վահագնի խմբին «հարող» Վալերի Դավթյանը ասես վրեժ լուծեց՝ սպանեց փախուստի մեջ գտնվող Վարդանի եղբորը՝ Կամո Փիրուզյանին: Դրանից կարճ ժամանակ հետո էլ, մահափորձի ենթարկվեց Վահագը»։

ՓԱՍՏԱԲԱՆՆԵՐԸ ԽՈՒՍԱՓՈՒՄ ԵՆ ՈՐԵՒԷ ՄԵԿՆԱԲԱՆՈՒԹՅՈՒՆ ՏԱԼ

Թե ինչ փուլում է վերոնշյալ գործով քննությունը, ընդունո՞ւմ է իրեն առաջադրված մեղադրանքը Վահագն Աբգարյանը, Fnews.am-ը հարցով դիմեց վերջինիս փաստաբան Հակոբ Ճարոյանին, ով, սակայն, կտրականապես հրաժարվեց խոսել, նկատելով միայն
-Համբերեք մի փոքր։
Զարմանալի է, որ Փիրուզյանի շահերի ներկայացուցիչները եւս, այս փուլում խուսափում են մեկնաբանություններ անելուց, պատճառաբանելով, որ չեն ուզում խանգարել քննության ընթացքին։

Սպասենք զարգացումների:

Նոնա Ադամյան