Քրիստինե Պեպելյան.«Ոչինչ, թող այս տարին էլ այսպես լինի»

«Կարոտի»` այսպես է կոչվում Քրիստինե Պեպելյանի նոր երգը, որի երաժշտության ու խոսքերի հեղինակն Անուշ Կոտինյանն է, իսկ գործիքավորումն արել է Արմեն Սարգսյանը` Բրդեն: Երգչուհին BRAVO.am-ին հայտնել է, որ աշնանն այն կներկայացնի տեսահոլովակով: 

Քրիստինե Պեպելյանի "Կարոտ" տեսահոլովակի նկարահանումներին

«Երկու օր մինչեւ լուսադեմ հաճելի ու մտերմիկ մթնոլորտում նկարահանումներ ենք իրականացրել: Շնորհակալ եմ իմ թիմին՝ մշտապես կողքիս լինելու ու ինձ ամեն պահ օժանդակելու համար»,- ասել է նա` տեղեկացնելով, որ համագործակցում է ռեժիսոր Արեն Բայադյանի, ոճաբան Արմեն Գալյանի, վարսահարդար Հասմիկ Խառատյանի եւ դիմահարդար Ագա Քանքանյանի հետ, իսկ հագուստների հեղինակն Անահիտ Սիմոնյանն է:

Երգչուհին մեզ հետ զրույցում խոստովանել է, որ սկզբում չի ցանկացել կատարել այս երգը, բայց քննարկումներից հետո մտափոխվել է.«Անուշը ոչ միայն տաղանդավոր բժիշկ է, այլ նաեւ տաղանդավոր երգահան: Այս գործն էլ հայտնի երգչուհիներից մեկի կատարմամբ առաջին անգամ լսեցի հենց նրա տանը: Խնդրեց մասնագիտական կարծիքը հայտնել: Շատ հավանեցի, միայն գործիքավորումը մի փոքր դուրս չեկավ: Անկեղծ ասացի այն, ինչ մտածում էի, եւ նա առաջարկեց փոխել գործիքավորումն ու նորից ձայնագրել, բայց այս անգամ իմ կատարմամբ: Սկզբում չէի ցանկանում երգել, որպեսզի չնեղացնեմ գործընկերոջս, բայց նրա հետ զրուցելուց հետ ցանկություն հայտնեցի ոչ միայն ձայնագրել, այլ նաեւ տեսահոլովակ նկարահանել»:

Քրիստինե Պեպելյանը

Քրիստինեի փոխանցմամբ` «Կարոտի»-ն իր նախորդ երգերից շատ է տարբերվում. «Հույզերը շատ են. փորձել եմ պահել հեղինակի ապրումներն ու այն փոխանցել ունկնդրին: Հուսով եմ` երկրպագուներիս դուր կգա ու մյուս երգերիս նման մասսայականություն կվայելի»:

մանրամասներն՝ այստեղ