Րաֆֆին չգիտի՝ ինչ է անում.Վահրամ Բաղդասարյան

Ընդդիմությունն իրեն չի կարողանում մոբիլիզացնել, խոսում է ժողովրդին մոբիլիզացնելուց: Այս մասին ԱԺ-ում նույնականացման քարտերի վերաբերյալ թեժ քննարկումն էլ ավելի թեժացրեց «Հանրապետական» խմբակցության ղեկավար Վահրամ Բաղդասարյանը` ընդդիմությանը մեղադրանքների մի փունջ ներկայացնելով:

«Դուք ժողովրդի մոբլիզացիայից եք խոսում, դուք չեք կարողանում ձեզ մոբիլիզացնել, ընդդիմադիրներից մեկն ասում է՝ պետք է բոյկոտենք, չմասնակցենք, իր կողքի կուսակիցը անմիջապես, ասում է՝ ոչ, պետք է գնանք «ոչ» ասենք… Մի հատ ընդհանուր հայտարարի եկեք, որ դրա պատասխանը տանք: Ֆրակցիան քայքայեցիք, պարոն Շարմազանովը նշեց, գյոզալ կուսակցությունը` «Ժառանգությունը», բոլորին գցեցիք դռնեդուռ, Րաֆֆին չգիտի՝ ինչ է անում, առաջարկում ենք՝ արի, սահմանադրական բարեփոխումների հանձնաժողովը ղեկավարի, հրաժարվում է, ընտրում ենք դեպուտատ, գալիս, հրաժարվում է»,-հայտարարեց նա։