ՌԴ ԱԳՆ-ն հայտարարել է, որ Մոսկվան անհանգստացած է Հայաստանի և ԱՄՆ-ի զորավարժություններով

Ռուսաստանի փոխարտգործնախարար Սերգեյ Ռյաբկովն ասել է, որ Ռուսաստանի Դաշնությունը Հայաստանում դաշնակիցների ամենալուրջ ուշադրությունը հրավիրել է այն փաստի վրա, որ ԱՄՆ-ի հետ նրանց զորավարժությունները Մոսկվայում անհանգստության տարր են ընկալվում։ Այս մասին գրում է Gazeta.ru-ն: 

Ռյաբկովի խոսքով՝ ռուսական կողմը ելնում է նրանից, որ դաշինքի ոգով անհրաժեշտ է հավատարիմ մնալ ՀԱՊԿ դաշնակիցների հետ վարժանքների պրակտիկային։

Սեպտեմբերի 6-ին Հայաստանի պաշտպանության նախարարությունը հայտարարեց, որ սեպտեմբերի 11-ից 20-ը Հայաստանի տարածքում կանցկացվեն ԱՄՆ-ի հետ EAGLE PARTNER 2023  համատեղ զորավարժությունները։ Գործակալության տվյալներով՝ զինվորականները գործողություններ են մշակելու՝ կայունացնելու հակամարտող կողմերի հարաբերությունները խաղաղապահ խնդիրների կատարման ժամանակ։

Ավելի ուշ Երևանի Կովկասի ինստիտուտի տնօրեն Ալեքսանդր Իսկանդարյանը հայտարարել էր, որ ԱՄՆ-ի հետ զորավարժություններ անցկացնելու Հայաստանի որոշումը չպետք է դիտարկել որպես Երևանի միանշանակ ընտրություն՝ հօգուտ Արևմուտքի։ Նա հիշեցրել, որ սա առաջին անգամը չէ, որ նման զորավարժություններ են անցկացվում. ՆԱՏՕ-ի հետ ուսուցում հայկական կողմը վարում էր դեռևս ղարաբաղյան իրադարձություններից առաջ։