ՌԴ-ն պատրաստ է ԱՄՆ-ի հետ միաժամանակ մեկ տարով «սառեցնել» միջուկային մարտալիցքերը. ՌԴ ԱԳՆ
Ռուսաստանը ռազմավարական հարձակողական սպառազինությունների հետագա կրճատման և սահմանափակման միջոցառումների մասին պայմանագիրն առանց հավելյալ պայմանների մեկ տարով երկարաձգելու դեպքում պատրաստ է ամերիկյան կողմի հետ մեկտեղ այդ ժամանակահատվածում «սառեցնել» միջուկային մարտալիցքերի քանակը, ՌԴ ԱԳՆ հայտարարությանը հղումով գրում է ՏԱՍՍ գործակալությունը։
«Ռուսաստանն առաջարկում է մեկ տարով երկարաձգել պայմանագիրը և միաժամանակ պատրաստ է ԱՄՆ-ի հետ միասին քաղաքական պարտավորություն ստանձնել առ այն, որ տվյալ ժամանակահատվածում սառեցվի կողմերի մոտ առկա միջուկային մարտալիցքերի քանակը։ Այդ դիրքորոշումը կարող է իրականացվել բացառապես այն ըմբռնումով, որ մարտալիցքերի սառեցումը չի ուղեկցվի ԱՄՆ-ի կողմից որևէ լրացուցիչ պահանջներով»,- ասված է հայտարարության մեջ:
Գերատեսչությունում նշել են, որ Մոսկվան ՌԴ նախագահ Վլադիմիր Պուտինի՝ պայմանագրի մեկ տարով երկարաձգելու վերաբերյալ առաջարկի մասով Վաշինգտոնից պաշտոնական պատասխան չի ստացել՝ հավելելով, որ ԱՄՆ-ն առայժմ սահմանափակվել է սոցցանցերում պաշտոնյաների առանձին մեկնաբանություններով, սակայն Մոսկվան ակնկալում է Վաշինգտոնի պաշտոնական պատասխանը:
Ավելի վաղ Պուտինն առաջարկել էր «գոնե մեկ տարով» առանց որևէ պայմանների երկարացնել ռազմավարական հարձակողական սպառազինությունների հետագա կրճատման և սահմանափակման միջոցառումների մասին պայմանագրի գործողության ժամկետը: ԱՄՆ նախագահի ազգային անվտանգության հարցերով օգնական Ռոբերտ Օ'Բրայենը Պուտինի նախաձեռնությունն անվանել էր «ձախողման դատապարտված»:
«Առանց միջուկային զենքի արտադրությունը դադարեցնելու պայմանագիրը երկարաձգելու Պուտինի առաջարկը իրատեսական չէ», - ասել էր Սպիտակ տան ազգային անվտանգության հարցերով խորհրդականը:
Օ'Բրայանը հավելել էր, որ Վաշինգտոնն առաջարկել է երկարացնել համաձայնագիրը `միջուկային զենքի արտադրությունը դադարեցնելու դիմաց:
Միջուկային զենքի չտարածման ռազմավարական պայմանագիրը ստորագրվել է Ռուսաստանի և ԱՄՆ-ի միջև 2010 թ. ՝ երկու կողմերին պարտավորեցնելով սահմանափակել «միջուկային մարտագլխիկների, հրթիռների և ռազմավարական ռմբակոծիչների քանակը»:
Համաձայնագրի ժամկետը լրանում է փետրվարին:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
Ինչ են հորդորել Արցախի ռազմաքաղաքական ղեկավարները Բաքվից
Ալավերդու համայնքապետարանը 3,8 մլն դրամի պայմանագրեր է կնքել ավագանու անդամի մոր ԱՁ-ի հետ․ «Հետք»
