Ռիո-2016. Այսօր պայքարը կսկսեն 4 հայ մարզիկներ

Մեկնարկում է 31-րդ ամառային Օլիմպիական խաղերը: Ռիո դե Ժանեյրոյում այսօր՝ օգոստոսի 6-ին պայքարին կներգրավվեն Հայաստանի 4 ներկայացուցիչներ: Ժամը 17:00-ին ձյուդոյի մրցաշարում կմեկնարկի Հովհաննես Դավթյանը (60 կգ): 1/32 եզրափակչում մրցակիցը ավստրիացի Լյուդվիգ Պայշերն է: 17:30-ին հերթը հայ մարմնամարզիկներ Արթուր Դավթյանինն (հենացատկ) ու Հարություն Մերդինյանինն է (նժույգ թափեր): 18:00-ին պայքարը կսկսի 49 կգ քաշային կարգում հանդես եկող բռնցքամարտիկ Արթուր Հովհաննիսյանը: 1-ին փուլում նրա մրցակիցը իսպանացի Սամուել Հեևեդիա Կարմոնան է: