Ռոբսոնը մեկնաբանում է իր ձերբակալության մասին լուրերը

Վերջին օրերին ԶԼՄ-ներում ակտիվ քննարկվող թեմաներից մեկն էլ շարունակում է մնալ «oրենքով գող» Զախար Կալաշովի` Շաքրո Մալադոյի եւ հայազգի հայտնի գործարար Ռուբեն Թաթուլյանի` Ռոբսոնի ձերբակալության մասին հրապարակումները:
Հատկապես ռուսական մամուլը նշում էր այն մասին, որ
Կրասնայա Պոլյանայում «օրենքով գողերի» հավաքը ցրելու ժամանակ ձերբակալվել է Զախար Կալաշովը` Շաքրո Մոլոդոյը: Նրա հետ միասին ձերբակալվել է նաև գործարար`Ռուբեն Թաթուլյանը` Ռոբսոնը: Ձերբակալվել է նաև «օրենքով գող» Թենգիզ Դումոևը` Գոչոն: Հայտնի է, որ ստուգումներից հետո նրանք ազատ են արձակվել:
Հիշեցնենք, որ հայազգի գործարար Ռուբեն Թաթուլյանը
ՌԴ պետդումայի պատգամավոր Ալեքսանդր Կարելինի օգնականն է, և Սոչիում ըմբշամարտի ֆեդերացիայի նախագահը:

Թաթուլյանի գործընկերներն ասում են, որ նա հայտնի և հարգված մարդ է Սոչիում :
Մեզ հասած տեղեկություններով ` Ռոբսոնը ոչ միայն հայտնի մարզիկ է , հաջողակ բիզնեսմեն եւ լավ բարեգործ, այլեւ լուրջ հեղինակություն Սոչիում, ով բավականին ջերմ հարաբերությունների մեջ է ՌԴ իշխանական շրջանակների հետ:
Ինչեւ է, ձերբակալության մասին տարածված լուրերը ճշտելու համար Fnews.am-ը կապ հաստատեց Ռուբեն Թաթուլյանի` Ռոբսոնի հետ, պարզելու թե ինչ է տեղի ունեցել իրականում:
-Բարեւ Ձեզ Պրն. Թաթուլյան, Ձեզ զանգահարում եմ Fnews.am էլ օրաթերթից: Ուզում ենք անձամբ Ձեզանից տեղեկանալ, թե ինչքանո՞վ են ճիշտ խոսակցությունները այն մասին, որ դուք ձերբակալվել եք:
- Ինչ, հավատալ անգամ չեմ կարողանում, որ ես կարող էի ձերբակալված լինել:
- Այդ դեպքում ինչո՞ւ մամուլը գրեց դրա մասին:
-Դա հիմարություն է , իհարկե նման բան չկա, եւ թող լրագրողների մոտ նման հարցեր այլևս չառաջանան:

Աննա  Առաքելյան