Ռուսաստանի ԿԲ-ն առաջիկա տարիներին լավ կյանք չի խոստանում

Երբ Հայաստանն ընտրել է Ռուսաստանի հետ մեկ տնտեսական համակարգում լինելու ապագան, իսկ հայրենի իշխանություններն ու ընդդիմության լիդերները հայտարարում են, որ դա մեր երկրի համար միակ ճիշտ ուղին է, ռուսական պաշտոբնական աղբյուրները հայտարարում են իրենց տնտեսության ոչ այնքան լուսավոր ապագայի մասին:

Այսպես, ՌԴ Կենտրոնական բանկը հրապարակել է իր դրամավարկային քաղաքականության նորացված նախագիծը, որում կանխատեսել է, որ ՌԴ տնտեսությունն առաջիկա` 2015-16թվականներին աճ չի ունենալու:

Նման կանխատեսման համար հիմք են ծառայել երկու հիմանան գործոն` ԱՄՆ և ԵՄ կողմից կիրառված պատժամիջոցները, որոնք ՌԴ ԿԲ մասնագետների կարծիքով, կգործեն մինչև 2018թ., և նավթի գինը, որը, ըստ նույն կանխատեսման, կկարգարվորվի 1 բարելի դիմաց 92-95 ԱՄՆ դոլարի միջակայքում:

Հենց այս տենտեսական գործոնների ազդեցությամբ, զեկույցի հեղինակների կարծիքով, ՌԴ տնտեսությունն առաջիկա տարիներին լավագույն դեպքում 0-0.1% աճ կարձանագրի:

Փոխարենը ռուս մասնագետները բավական բարձր գնաճ են կանխատեսում: Նրանց հաշվարկներով, այս տարեվերջին այն կկազմի 8.4%, 2015-ին` 6.4, իսկ 2016-ին` 5.3%:

Ավելորդ է նշել, որ հայաստանյան տնտեսությունը սերտորեն կապված է ՌԴ տնտեսության մեջ տեղի ունեցող իրողություններից:

Այդ երկրում արձանագրված անկումը մեր երկրում կարձագանքի առաջին հերթին մեր տնտեսության համար խիստ անհրաժեշտ տրանսֆերտների կրճատմամբ, իսկ գնաճը կբերի առնվազն Ռուսաստանից ներկրված ապրանքների անխուսափելի թանկացման: