Ռուսաստանը Դոնեցկում «Իսկանդեր» է կիրառել (տեսանյութ)

Ռուսաստանի զինված ուժերը Դոնեցկի մարզում «Իսկանդեր» համալիրով ոչնչացրել են զենքի երկու խոշոր պահեստ։ Այս մասին չորեքշաբթի լրագրողներին հայտնել է ՌԴ պաշտպանության նախարարության մամուլի խոսնակ Իգոր Կոնաշենկովը։

«Իսկանդեր» օպերատիվ-մարտավարական հրթիռային համակարգը Դոնեցկի մարզի Կամենկա գյուղում հրթիռային և հրետանային զինատեսակների երկու մեծ պահեստ է ոչնչացրել»,- ասել է նա։

Նա հավելել է, որ անցած օրվա ընթացքում օպերատիվ-մարտավարական ավիացիոն և հրթիռային ուժերը խոցել են Ուկրաինայի 64 ռազմական օբյեկտ։

Ռուսաստանի զինված ուժերը օդային հրթիռներով ոչնչացրել են վառելիքի մեծ պահեստներ Ստարոկոնստանտինովի և Խմելնիցկիի շրջաններում։ «Բարձր ճշգրտության օդային արձակման հրթիռները Ստարոկոնստանտինովի և Խմելնիցկիի շրջաններում ոչնչացրել են վառելիքի մեծ պահեստներ, որոնցից վառելիք է մատակարարվում Դոնբասում ուկրաինական զորքերի զրահատեխնիկայի համար»,- ասել է Կոնաշենկովը։

«Ընդհանուր առմամբ, հատուկ ռազմական գործողության սկզբից ոչնչացվել են՝ 124 ինքնաթիռ և 77 ուղղաթիռ, 214 զենիթահրթիռային համակարգ, 321 անօդաչու թռչող սարք, 1752 տանկ և այլ զրահատեխնիկա, 184 բազմակի հրթիռային համալիր։ , 734 դաշտային հրետանային և ականանետեր, ինչպես նաև 1640 միավոր հատուկ ռազմական մեքենաներ»,- ասել է Կոնաշենկովը։