«Սա մեծ ռիսկ էր, բայց ես սիրում եմ ռիսկի դիմել». Մհեր

Life.panorama.am-ը գրում է.

Շատ շուտով երգիչ Մհերը իր երկրպագուներին կներկայանա նաև որպես ռեժիսոր. երգիչ-դերասան Գոռ Հարությունյանի առաջին՝ «Շարքային Հարությունյան» երգի հիման վրա նկարահանված տեսահոլովակի ռեժիսորը հենց Մհերն է:

Life.panorama.am-ի հետ զրույցում Մհերը նախ հաղթական մայիսի 9-ի հետ կապված շնորհավորեց բոլորին. «Շնորհավորում եմ բոլորին, հատկապես մեր վետերան տատիկներին և պապիկներին 2-րդ համաշխարհային պատերազմի մեր հաղթանակի 70-ամյակի կապակցությամբ, թող լուսավորվեն բոլոր զոհվածների հոգիները, իսկ նրանք, ովքեր դեռ ողջ են, ամուր առողջություն եմ մաղթում: Նաև շնորհավորում եմ բոլորիս և, հատկապես, Հայոց բանակին Շուշիի ազատագրման 23-րդ տարեդարձի կապակցությամբ, այս երկու տոները մեզ համար շատ կարևոր են»,- նշեց նա, ապա անդրադարձավ իր հեղինակած նոր տեսահոլովակին. «Մոտ երկու տարի առաջ, երբ Գոռը նկարահանվում էր «Բանակում» հեռուստասերիալում, տեսնելու նրա խաղը, ես նրան ասացի, որ պարտադիր պետք է Հայոց բանակին նվիրված երգ ունենա: Եվ քանի որ ի սկզբանե այդ գաղափարը իմն էր, այն ավարտին հասցնելու նպատակով ցանկացա ինքս էլ նկարահանել այդ տեսահոլովակը՝ ուժերս փորձելով ռեժիսորական աշխատանքում»,- նշեց Մհերը:

Պատմելով նկարահանման ընթացքից և ռեժիսորական գիտելիքներ չունենալով այս աշխատանքի հետ կապված դժվարությունները հաղթահարելուց՝ երգիչը նկատեց. «Կար շատ լավ թիմային աշխատանք: Ես ուզում էի տեսահոլովակում, ցույց տալ հայկական բանակը որքան հնարավոր էր, ուզում էի ցույց տալ զինվորական երդման արարողությունն ու զինվորի կյանքն առհասարակ: 3.5 րոպեում այդ ամենը ներկայացնելը դժվար էր, բայց հնարավորինս չափ արեցինք: Այո, ես չունեմ ռեժիսորական կրթություն, բայց պետք է ասեմ, որ այս աշխատանքը ինձ համար այնքան էլ դժվար չէր, ինձ շատ օգնեց Սուրեն Թադևոսյանը, ով օպերատորն էր, բացի այդ իմ վերջին տեսահոլովակների ժամանակ ես ևս մշտապես համագործակցել եմ տեսահոլովակներիս ռեժիսոր և իմ պրոդյուսեր Ժորա Հարությունյանի հետ, ինչի արդյունքում կար որոշակի փորձ»:

Ամբողջական հոդվածը կարող եք կարդալ այստեղ