«Սամվել Բաբայանն ու մյուսները մուտիտ արին». Գեներալ Սեյրանը՝ Ջրառատի միջադեպի մասին

«Ժամանակ»-ի հետ զրույցում ՀՀԿ խմբակցության պատգամավոր Սեյրան Սարոյանն անդրադառնալով թերթի դիտարկմանը, թե Սեյրան Օհանյանն ասում է, որ իշխանափոխություն է պետք, հերիք է, նշել է. «Սեյրան Օհանյանը երեկ իշխանության մեջ էր, հիսուն տարի իշխանության ամենաբարձր նախարարն էլ ինքն էր: Երբ որ նախարար եղած ժամանակ ասեր, էն վախտ ես էլ կասեի՝ ճիշտ է ասում: Հենց գործից հանեցին, նոր հիշե՞ց, որ իշխանափոխություն պիտի լինի, բա պաշտպանության նախարարն ինքն էր: Իմ ընկերն է, ես միշտ իրան «պադերժկա» եմ արել ամեն հարցում, հավատացեք, էսօր էլ բերանս չի բռնում, որ մի ավելորդ բան ասեմ Սեյրանի հասցեին, բայց ախր չի կարելի, չէ՞»:

-Սամվել Բաբայանն էլ Ջրառատի միջադեպերի հետ կապված նշում էր, որ եթե չլինի քննություն, արյունահեղություն կլինի:
-Սամվել Բաբայանը գոնե մի անգամ եկե՞լ ա Ջրառատում հարցնի, թե ինչ ա եղել: Իրանք նախ էնտեղ չեն եղել, իրանք դրա հետ կապ չունեն, ընտրությունների հետ ընդհանրապես կապ չունի: ... Երեք ավտոյով գնացել են էդ գյուղի գյուղապետին մենակ բռնացրել են, ստից ասել են՝ քֆուր ես տվել, մոգոնել են էլի, սարքոցին ո՞նց ա լինում բա: Գյուղի մարդիկ չեն, իրանց եկած մարդիկ են եղել, կադրերն էլ կան, թող հաշվեն՝ քանի ջրառատցի կա ըտե կանգնած: Մթոմ գյուղապետն եկել է… Գիշերը գյուղապետն եկավ ի՞նչ քֆուր տվեց: Ասում են՝ բա դու եկար քֆուր տվեցիր: Գյուղապետն ասում է․ «Արա՛, ի՞նչ քֆուր, հո դու շառ չե՞ս»: Ասում են՝ արան քեռիդ ա: Ըտենց էլ եղել է: Քեռին էլ Լյովան ա, էլի: Բա գեներալին «արա» ասեն, պիտի բրթեն իրար: Լցվում են տղու վրեն, տփում, հետո էն մյուս ախպորն են տփում: Ընչի՞ էդ Լյովայի ախպերները անտե՞ր էին, ինչ էին, էդ ո՞նց կար ա ըտենց ըլնի: Իրանք կռիվը սարքին, իրանք տփին, իրանք էլ շուխուռը սարքին: Ըտենց կարելի՞ ա բա: Իրանք գյուղացիներով արդեն համաձայնել էին, որ բարիշեն, հարևան մարդիկ են: Այ դրանք «մուտիտ» արին, խառնին իրար, ժողովուրդն էլ իրար կերան, երկրորդ անգամ նորից կռիվ սկսվավ, ճի՞շտ էր իրանց արածը, մի գյուղի ժողովրդին կիսեցին, խառնին իրար, սաղ տուրուդմփոց սարքին, բա իրանց արածը արա՞ծ ա:

Հարցազրույցն ամբողջությամբ՝ թերթի այսօրվա համարում: