Սաղ «մուտիլովկայա», տենց բան չկա...

ԱԺ պատգամավոր Ռուբեն Գեւորգյան` Ծաղիկ Ռուբո-գեներալներ հակամարտությունը գնալով ավելի է հետաքրքրանում: Պարզելու համար, թե ինչո՞վ են պայմանավորված այսպես կոչված այդ ներքին լարումները, Fnews.am-ը զրուցեց ԱԺ ՀՀԿ խմբակցության պատգամավոր Սեյրան Սարոյանի հետ.

-Պարոն Սարոյան, ճի՞շտ են արդյոք տեղեկությունները այն մասին, որ Ձեր եւ պատգամավոր Ռուբեն  Գեւորգյանի`Ծաղիկ Ռուբոյի հարաբերությունները սրված են`կապված <Երդվյալ ազատամարտիկներ>-ի միության ստեղծման հետ:

-Ընկերության մեջ, որ կռիվ գցեք, Ձեզ դրանից ի՞նչ օգուտ, պրովակացիա պետք չի անել:
-Փաստորեն, Դուք ընկերներ եք…

-Իսկ, երբ ենք ասել, որ ընկերներ չենք…

-Եթե ընկերներ եք, ինչու՞ չեք համագործակցում կամ միասին հանդես գալիս:

-Այ ազիզ ջան, ամեն մեկը մի մտածելակերպ ունի: Մի ախպերն ուրիշ կուսակցությունից ա լինում, մեկը՝ ուրիշ, ի՞նչ կա դրա մեջ: Հիմա կարող ա Ռուբիկն ուրիշ բան ա մտածում, մենք՝ ուրիշ:
-Ասում են, նա ակտիվ կերպով այս օրերին թիմ է է հավաքում: Ի՞նչ կասեք, դրա հետ կապված:
-Է թող հավաքի, ով նրան հավատում է նրա հետեւից կգնա, ի՞նչ կա դրա մեջ: Մեր գործի անունն ի՞նչ ա, որ պատերազմ լինի բոլորս գնանք սահման, չէ՞: Ռուբիկն ինչի՞ համար ա ստեղծել՝ էլի պատերազմի համար, մի ճակատ ինքը կգնա, մեկը՝ մենք:

-Ասում էին, ներքին լարումներ կան Ձեր մեջ:

-Սաղ <մուտիլովկայա>, տենց բան չկա:

-Այդ թեմայի շուրջ Դուք զրուցե՞լ եք Ռուբեն Գեւորգյանի  հետ: 

-Այո, ոչ մի վատ բան էլ չեմ տեսնում, ես չգիտեմ ում ա էս սաղ ձեռ տալիս, որ սարքում են:

-Նրա նպատակը ո՞րն է:

-Էտ արդեն Ծաղիկին պետք ա հարցնեք: Ես չեմ կարա ասեմ: Ես գիտեմ, որ ազատամարտիկի նպատակը պատերազմ գնալն ա, ուրիշ նպատակ կլինի՞, ազատամարտիկն ինչի՞ համար ա, նա պիտի գնա առաջին գիծ, ուրիշ ճանապարհ ունի՞:
-Իսկ եթե չգնա՞:

-Դե հետո ժողովրդին պատասխան կտա, ինքը գիտի:

-Իսկ հնարավո՞ր է, որ Դուք Ձեր դիրքերը զիջեք նրանց:

-Ոչ, նման բան բացառված է, որովհետեւ մենք շատ ուժեղ ենք:

Սոսե  Չանդոյան