«Շանթին պետք է մի 10 ճիպոտ տային ու բաց թողնեին»․ նախկին դատավորն ամփոփում է տարին

1in.am-ը գրում է.Նախկին դատավոր Պարգև Օհանյանի կարծիքով՝ անցնող 2014 թվականի ընթացքում դատաիրավական ոլորտում դրական փոփոխություն տեղի չի ունեցել. «Ցավոք, ոչ մի լավ բան չեմ տեսել, հիմնականում ամեն ինչ նեգատիվ է եղել, ոչ մի պոզիտիվ բան: Հիմա ես մոտիկից չեմ շփվում, որ փաստարկված ասեմ, բայց չեմ կարծում, թե ինչ-որ բան հաղթահարված է: Այն, ինչ կոչվում է արդարադատություն կամ ավելի ստույգ դատավարություն՝ ամբողջությամբ ճիշտ չէ: Եթե համեմատենք քաղաքակիրթ երկրների հետ, ոչ մի դրական բան չեմ կարող ասել՝ սկսած հետաքննության, նախաքննության փուլից մինչ դատաքննություն, որը ձևականություն է»:

Նրա խոսքերով՝ ի սկզբանե պարզ է, թե դատաքննությունն ինչ ավարտ կունենա, բայց ձևական դատ են անցկացնում. «Իրականում եթե ինչ-որ արդարադատության տոկոս էլ կա, շատ չնչին»:

Անցնող տարվա ամենաաղմկոտ դատական գործը՝ Շանթ Հարությունյանի և նրա ընկերների դատավարությունն էր, որտեղ, ըստ Օհանյանի, կա քաղաքական ենթատեքստ. «Ընդհանրապես Շանթ Հարությունյանի գործն ինձ համար գործ չէ, դա ընդհանրապես պետք է գործ չլիներ, նախ քրեական չպետք է լիներ, հետո՝ դատարանի քննության առարկա: Ամնաշատը Շանթ Հարությունյանի արարքը պետք է որակեին որպես վարչական իրավախախտում և ասենք՝ մի տաս ճիպոտ տային ու բաց թողնեին»,- ասաց մեր զրուցակիցը:

մանրամասները` սկզբնաղբյուրում