Շառլ Ազնավուրի Facebook-ի էջում տեղադրվել է Դեմիս Ռուսոսի հետ լուսանկար և դուետի տեսագրություն (Video)

Շառլ Ազնավուրն իր ֆեյսբուքյան էջում տեղադրել է լուսանկար՝ Դեմիս Ռուսոսի հետ։

«Դեմիս Ռուսոսի հետ, 1973 թվականի հունվարի 26, Կաննի կինոփառատոնին»,- ասվում է լուսանկարին կից մեկնաբանությունում։

Երեկ էլ շանսոնյեի էջում հայտնվել էր տեսանյութ՝ միասին կատարած Que C’est Triste Venise դուետից։ Կից գրառման մեջ ասվում է, որ հույն երգիչն ու երաժիշտը 68 տարեկանում կիրակի մահացել է Աթենքի հիվանդանոցներից մեկում։

Հիշեցնենք, որ Ռուսոսի հուղարկավորությունը տեղի կունենա հունվարի 30-ին, Աթենքի Առաջին գերեզմանոցում, որտեղ վերջին հանգրվանն են գտել երկրի շատ հայտնի մարդիկ։