Շատ կազմակերպություններ այս օրենքի պատճառով կփակվեն այստեղ և ՍՊԸ կբացեն դրսում. տնտեսագետ

Panorama.am-ը գրում է.

«Վերջերս մեր ֆինանսների նախարարությունը և հարկային ծառայությունն ինչքան օրենքի նախագիծ ներկայացրել են, բոլորն ուղղված են եղել պետբյուջեն լցնելուն, այսինքն սկսում են արդեն չարաշահել օրենքի՝ բյուջեն լցնելու գործիքը»: Այսօր լրագրողների հետ հանդիպման ժամանակ ասաց տնտեսագետ Վիլեն Խաչատրյանն՝ անդրադառնալով հարցին, թե որքանով կօգնեն «Եկամտահարկի» և «Շահութահարկի» մասին օրենքների փոփոխությունները պետբյուջեին:

Նշենք, որ նախօրեին Ազգային ժողովում քվեարկության դրվեց «Եկամտահարկի» և «Շահութահարկի» մասին օրենքներում փոփոխություններ և լրացումներ կատարելու մասին նախագիծը: Օրինագիծն առաջին ընթերցմամբ ընդունվեց՝ 65 կողմ, 21 ձեռնպահ, 16 դեմ ձայների հարաբերակցությամբ: Արտագնա աշխատանքի մեկնողները, ովքեր շինարարության հետ կապված աշխատանքներ իրականացնելու նպատակ ունեն, պետք է պայմանագիր կնքեն Հայաստանում գործող որևէ համապատասխան կազմակերպության հետ և հետագայում 13 տոկոս եկամտահարկը և 5 տոկոս շահութահարկը վճարեն ՀՀ պետբյուջե, այլ ոչ թե տվյալ երկրի բյուջե: 

«Ինչպես կարելի է երկու առաձին օրենքների մասով տալ միևնույն հիմնավորումը, սա փորձագետների բացն է: Չկա բյուջետային հաշվարկ, չկա կորուստների հաշվարկ, չկա կազմակերպությունների թիվ, որոնք զբաղվում են տվյալ գործունեությամբ: Սրանք հիմնական թերություններն են»,-խոսելով Եկամտահարկի և շահութահարկի մասին օրենքների անցած փորձագիտության մասին ասաց տնտեսագետը:

Ամբողջական հոդվածը կարող եք կարդալ այստեղ