Շոու բիզնեսի ամենահայտնի դեմքերը՝ Էրիկի CD-ի համերգ-շնորհանդեսին . ԼՈՒՍԱՆԿԱՐՆԵՐ BlogNews

Blognews.am-ը գրում է .

Շնորհանդես-համերգին Էրիկը ներկայացրեց նոր ձայնասկավառակի ստեղծագործությունները: «4 տարի այս երգերը կատարել եմ ստուդիաներում, սակայն առաջին անգամ եմ  ներկայացնում բեմից: Ուրախ եմ, որ ունկնդիրները լինելու են իմ ընկերները: Արտիստին շատ քիչ բան է պետք, որպեսզի թևավորվի  և շարունակի իր աշխատանքը»,- BlogNews.am-ին ասաց երգիչն ու իր շնորհակալությունը հայտնեց  բոլորին՝ դրական վերաբերմուքնի համար:

«Քո հետքերը» CD-ն ներառում է ինչպես դասական դարձած, այնպես էլ ժամանակակից երգահանների ստեղծագործությունները: Երգիչը ներկայացրել է Առնո  Բաբաջանյանի «Առաջին սիրո երգը», «Ճակատագիր», «Ոսկե տանգո», «Շնորհակալ եմ քեզ», «Քո հետքերը» գործերը, Արթուր Գրիգորյանի «Միայն քեզ համար», Մարտին Միրզոյանի «Էլ ով» իր հեղինակած «Սեր», «Կին-արև» երգերը: Այս ձայնասպավառակում ներառված է նաև Էլվինա Մակարյանի երաժշտության հիման վրա ստեղծված նոր երգը, որը կոչվում է «Դու նոր կյանք»: Երգն առաջին անգամ ներկայացնում է Էրիկը:

«Երբ ես ԱՄՆ-ում էի, Արման Աղաջանյանը ինձ ցույց տվեց մի երգ, որը ձայնագրիչով էր ձայնագրել: Երաժշտության հեղինակն Էլվինա Մակարյանն էր՝ մի երգչուհի, ում ես շատ եմ սիրում, մի կոմպոզիտոր, ում հարգում եմ. նրա երգերը երկար կապրեն: Ինձ համար մեծ պատիվ է, որ ես առաջինն եմ երգելու այս երգը: Խոսքերի համար ուզում եմ շնորհակալություն հայտնել ընկերոջս՝ Սերգեյ Գրիգորյանին: Ունենք ևս մի հրաշալի ստեղծագործություն Էլվինա Մակարյանից»,- ընդգծեց երգիչը:

Էրիկն այս ձայնասկավառակի վրա աշխատել է մոտ 4 տարի: «Այս ձայնասկավառակը ստեղծելու գաղափարը ծնվեց նոր ալիքից հետո, երբ կատարեցի «Քո հետքերը» ու շատ սիրվեց: 4 տարի ինձանից պահանջում էին այս երգն ու վերջապես հասունացավ այն պահը, երբ ներկայացրի այն՝ համանուն ձայնասկավառակով: Կարծում եմ՝ արձագանքները դրական կլինեն»,- ասաց երգիչն ու հավելեց, որ ալբոմի մյուս երգերը դեռ չեն հնչել հասարակության լայն զանգվածների համար:

Շարունակությունը ` սկզբնաղբյուրում: