ՍԻՄ-ը խստագույնս դատապարտում է Փաշինյանի ձգտումը ճգնաժամը հասցնել բախումների

Այսօր տեղի ունեցավ ՍԻՄ կուսակցության նախագահության նիստ, որտեղ քննարկվեց ներքաղաքական իրավիճակը եւ դրանից դուրս գալու ուղիները: Նշվեց, որ ի տարբերություն շատ կուսակցությունների, ՍԻՄ-ը դեռեւս 2018թ. ապրիլ-մայիսին հայտարարել է, որ Փաշինյանի իշխանության գալը վտանգում է հայոց պետականությունը, Արցախի անվտանգությունը, հայ ազգի ինքնությունը: Դեռ այդ ժամանակվանից ՍԻՄ-ը իր բոլոր միջոցներով պայքարել է Նիկոլի կողմից իշխանազավթմանը եւ հետագայում խունտայի հակահայ գործունեությանը: Իր ելությում ՍԻՄ նախագահ Հայկ Բաբուխանյանը նշել է, որ 2008թ. մարտի 1-ի իրականացնող Փաշինյանը այսօր նույնպես ուզում է ներքաղաքական ճգնաժամը հասցնել նոր քաղաքացիական բախումների եւ զոհերի: Դա արվում է Հայաստանը թուլացնելու եւ պառակտելու համար, ինչը եղել է Նիկոլի իշնավարության մշտական գործելաոճը եւ նպատակը:

ՍԻՄ կուսակցության նախագահությունը խստիվ դատապարտել է Նիկոլի փորձերը ներքաղաքական ճգնաժամը քաղաքացիական բախումների եւ նոր զհերի տանելուն:

ՍԻՄ կուսակցությունը ներքաղաքական ճգնաժամից միակ ելքը տեսնում է Նիկոլի պաշտոնանկության մեջ:

Միաժամանակ ՍԻՄ նախագահությունը անհանգստություն է հայտնել որոշ սորսաթուրքական տարրերի ակտիվացման հետ կապված, որոնք պահանջելով Նիկոլի հրաժարականը իբր հայրենասիրության անվան տակ տարածում են հակառուսական տրամադրություններ, որոնց նպատակը համահունչ է Նիկոլի ձգտումներին` պառակտել եւ թուլացնել Հայաստանը:

ՍԻՄ կուսակցության նախագահությունը նաեւ քննարկեց «Հզոր Հայաստան Ռուսաստանի հետ. հանուն նոր Միության» շարժման գործունեության հետ կապված հարցերը, ինչպես նաեւ այլ շարժումների եւ կուսակցությունների հետ փոխհարաբերությունները:

Նախագահության նիստից հետո ՍԻՄ նախագահ Հայկ Բաբուխանյանը հեռախոսազրույցներ ունեցավ ՍԻՄ կուսակցության Սյունիքի եւ Վայոց Ձորի մարզային կառույցների ղեկավարների հետ:

ՍԻՄ լրատվական ծառայություն