Սիրուշոն` չբացահայտված աշխարհի 9 լավագույն աստղերի թվում

Ամերիկյան mic.com կայքն անդրադարձել է աշխարհում հայտնի 9 երգիչների, որոնց ամերիկացիները չեն ճանաչում: Նրանց թվում է նաև Սիրուշոն` հայ երգչուհի, ով մեծ ճանաչում ունի աշխարհում:

«Ահա այն ինը երաժիշտները, ովքեր, չնայած ճանաչված չեն Միացյալ Նահանգներում, բայց աշխարհում մեծ ճանաչում ունեցող աստղեր են», - գրված է կայքում:

Ահա, թե ինչ է կայքը գրել Սիրուշոյի մասին. «Քարդաշյանները միակ հայտնի հայերը չեն: Փոփ աստղ Սիրուշոն իր առաջին մրցանակը ստացել է 9 տարեկանում: Հայկական երաժշտությունում ու ավանդական մշակույթում ունեցած ներդրումների համար նա մի շարք մրցանակների է արժանացել: 2008 թվականին նա առաջին կինն էր, ով ներկայացրեց Հայաստանը Եվրատեսիլ երգի մրցույթում:

«Ես մեծացել եմ հայերի աչքի առաջ», - Եվրատեսիլ երգի մրցույթից առաջ ասել է երգչուհին: «Նրանք ինձ մանկուց տեսել են: Նրանք հետևել են իմ կարիերային իմ` բեմ բարձրանալու առաջին պահից: Նրանք են շնորհել ինձ իմ մրցանակները: Հիմա, երբ ես Եվրատեսիլ երգի մրցույթի բեմում եմ, զգում եմ, որ ոչ միայն հայ հարազատներ ունեմ, այլ նաև եվրոպացի: Ես կերգեմ նրանց բոլորի համար», - ասել է Սիրուշոն: