ՍԿԱՆԴԱԼ. ՈՎ Է ՈՒԶՈՒՄ ԴԱՌՆԱԼ ԱՎՏՈՇՈՒԿԱՅԻ ԹԻՎ ՄԵԿ ՄՈՆՈՊՈԼԻՍՏԸ

ՀՀ տարածքային կառավարման եւ ենթակառուցվածքների նախարարությունը որոշել է զբաղվել ավտոշուկայով:
Մասնավորապես, առաջիկայում կսահմանվեն ավտրանսպորտային միջոցների շուկայի կազմակերպման համար անհրաժեշտ չափանիշներ: Ըստ նախարարության՝ դրանք պետք է համապատասխանեն տվյալ ոլորտում գործող միջազգային լավագույն փորձին, որպեսզի այն գրավիչ դառնա ԵՏՄ եւ այլ պետությունների քաղաքացիների համար ՀՀ տարածքում ավտոմեքենաների ձեռք բերման գործընթացին:
Այսպես, մեզ հայտնի դարձավ, որ ըստ օրենսդՐԻ նորարության. ավտոմեքենաների շուկայի ընդհանուր տարածքի մակերեսը պետք է լինի առնվազն 50000 քմ, այդ թվում՝ փակ տարածքներինը՝ առնվազն 1000 քմ: Ավելին ավտոշուկան պետք է կահավորվի տեսախցիկներով: Շուկայի տարածքում կազմակերպիչը պետք է նախատեսի տարածքներ ճանապարհային ոստիկանության հաշվառման-քննական խմբի համար ավտոմեքենաների պետական հաշվառման գործընթացն իրականացնելու նպատակով:
Նաեւ տարածք պետք է հատկացվի մեքենաների համարանիշեր պատրաստող կազմակերպության համար, տրանսպորտային միջոցների ներմուծման եւ արտահանման գործընթացը կազմակերպող պետական եւ ոչ պետական մարմինների համար անհրաժեշտ ձեւակերպումները տեղում իրականացնելու նպատակով:

Վերը նշված նոր կարգի շուրջ Newsmedia.am-ը ստացել է բազմաթիվ բողոքներ անհատ ավտոներկրողներից, ավտոշուկայում ժամեր անցկացնելով օրվա հացը վաստակող քաղաքացիներից։ Նկատենք, որ վերը նշված խնդրի շուրջ «Ավտովարորդների պաշտպանության լիգայի» նախագահ Տիգրան Հովհաննիսյանը եւս լրատվամիջոցների հետ զրույցում բարձրաձայնել է իր եւ բազում ավտոներկրողների անհամաձայնությանը, ընդգծելով, մեջբերում ենք. «Մեզ` ներկրողներիս ոչինչ չտեղեկացնելով, որոշել են բանվորներին տանեն ու դնեն ինչ-որ մի օլիգարխի, այսպես ասած, «կռիշի» տակ: Ու ինչպես միշտ աշխատավոր քաղաքացիներին ենթարկեցնեն ինչ-որ կոնկրետ անձի, տնտեսվարողի, օլիգարխի: Կառավարությունը ուզում է ավտոշուկայի ոլորտում մոնոպոլիա ստեղծել»:

Իրականում ի՞նչ թնջուկ է թաքնված այս, առաջին հայացքից «պուպուշ» թվացող օրենքի տակ, ո՞ւմ համար է, մշտապես «կարել-բլանդելուց» խոսող փաշինյանի ապարատը փորձում «հորով-մորով» անել այս օրենքը, եւ թե ի վերջո ո՞ր նորաթուխ օլիգարխին են փորձում հարմարեցնել այս օրենսդրական փոփոխությունը, այս հարցերի շուրջ առաջիկայում մանրամասն լրագրողական հետաքննություն է իրականացվելու, եւ վեր է բարձրացնելու այս թնջուկի երեւացող ու չերեւացող բոլոր կողմերը:

Իսկ մինչ այդ փաստենք, որ զուգահեռելով թերեւս ինչ-ինչ շահագրգիռ շրջանակների կողմից շրջանառության մեջ դրված սրտակեղեք ինֆորմացիոն հոսքը, թե Էրեբունու ավտոշուկայում պահանջվող չափորոշիչների հետ կապված մի շարք բացեր կան,
եւ այն իրականությունը որի հետ առերեսվեցինք, հարկ է նկատել, որ իշխնականների պնդումները մեղմ ասած, ժողովրդական բանահյուսության ժանրից են: քանզի տպավորությունն այնպիսին է, որ հայրենի Կառավարությունը մտահոգ է ոչ թե եվրոպական չափանիշներին համապատասխան ավտոշուկայի մոդել ստեղծելու,  այլ կոնկրետ նոր դաշտ սպրդվող իշխանության սրտի մեկ այլ բիզնես տենչացողի….ՀԱՄԱՐ ՆՊԱՍՏԱՎԱՈՐ ՊԱՅՄԱՆՆԵՐ ԱՊԱՀՈՎԵԼՈՒՆ:

Քանի որ այսօրվա գործող ավտոշուկայում, ուր առաջին իսկ օրվանից հիմնաքար են դրել, եւ մինչ այսօր էլ մեծ ու տեսանելի ներդրումներ են կատարել եւ շարունակում են կատարել էրեբունի թաղամասի վերջնահատվածում գործող այս ոլորտի խոշորագույն խաղացողներ, գործարարներ Շահեն եւ Նաիրա Ավետիսյանները, փաստենք որ ավտոշաուկան միանգամից աչք է ծակում իր ժամանակակից կահավորմամբեւ եվրոպական չափորոշիչներին համապատասխան ստաանդատների կիրառմամբ:
Բայց, սա դեռ ամենը չէ, զազրելին, փաստորեն դեռ առջեւում է, երբ ուսումնասիրելով առկա իրավիճակը հասկանում ես, որ նորաթուխ տնտեսվարողի համար, որի համար կարծես թե բլանդվել է օրենսդրությունը, դեռ մինչ օրենքը ուժի մեջ մտնելը, հող են նախապատրաստել պատկան ու պատասխանատու կառույցները: ֆոն ստեղծելով, որ որ տվյալ ավտոշուկան անանցանելի է դարձնում երթեւեկությունը, խանգարում է տեղի բնակիչներին, մատնանաշելով նմանատիպ այլ արհեստածին խոչընդոտներ։
Թե իրականում,  ի՞նչ խնդրի առաջ են կանգնել այսօր իրենց գործունեությունը 30 տարի շարունակ բարեխիղճ իրականացնող ՀՀ գործարարներ՝ Շահեն եւ Նաիրա Ավետիսյանները, արդյոք կառավարությունը քննարկել է գործարարների հետ վերը նշված օրենքի փոփոխությունները, այլ հարցերի շուրջ հստակ պատասխանների ակնկալիքով Newsmedia.am-ը  տեղում փորձեց հասկանալ իրավիճակը։ Մեզ հաջողվեց տեղում զրուցել Նաիրա Ավետիսյանի հետ, փորձելով ստանալ մեզ հետաքրոքրող հարցերի պատասխանները:

Ուշագրավ դիտարկումները՝NEWSMEDIA.am-ի 

պատրաստած ռեպորտաժում: