Սորոսի Լարիսան դատարանում խոստովանեց` Բաբուխանյանը սորոսական չէ

 

Երեւանի Էրեբունի եւ Նուբարաշեն վարչական շրջանների ընդհանուր իրավասության դատարանում` նախագահությամբ դատավոր Դիանա Հովհաննիսյանի, տեղի ունեցավ ԱԺ մի քանի գումարման պատգամավոր, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆՆ ընդդեմ Ջորջ Սորոսի հայաստանյան ներկայացուցիչ ԼԱՐԻՍԱ ՄԻՆԱՍՅԱՆԻ հերթական դատական նիստը: 

Հիշեցնենք, որ իր մամուլի ասուլիսի ժանանակ Լ. Մինասյանը թիրախավորել էր Հայկ Բաբուխանյանին, ինչի հետեւանքով ՍԻՄ նախագահը դիմել էր դատարան դեռեւս անցյալ տարի` ասելով, որ ինքը երբեք չի դիմել Սորոսին որեւէ գումար ստանալու համար եւ սորոսականների հարձակումն իր վրա պայմանավորված է նրանով, որ ինքը տարիներ շարունակ պատռել է նրանց հակազգային ու հակահայկական դեմքը: Նա մասնավորապես շեշտել էր. «Օտար ուժերի կամակատարների այս ճիգերը ծիծաղելի են, քանի որ իմ դեմ ոչինչ չգտնելով` նրանք մեջտեղ են բերել ինչ-որ 20 տարվա վաղեմության օդանավի տոմս, որը միայն ապացուցում է, որ ես ճիշտ եմ, իսկ նրանք սխալ»:

Նշենք, որ դատական նիստը տեւեց շուրջ 3 ժամ, հայցվոր եւ պատասխանող կողմերը հնարավորություն ունեցան պատասխանելու միմյանց հարցերին, ուսումնասիրվեց փաստական նյութերը, իսկ վճիռը կհրապարակվի մարտի 5-ին: Սակայն, նիստը լի էր հատկանշական դրվագներով, սկզբում Լարիսա Մինասյանը բավական ինքնավստահ էր, իսկ հետո մոռացավ անգամ, որ իր ղեկավարած հիմնադրամը գաղափարախոսություն ունի, ինչի մասին փաստել էր ասուլիսի ժամանակ: Ինչեւէ, ո՛չ ավել, ո՛չ պակաս տիկին Մինասյանը դատարանում խոստովանեց, որ Հայկ Բաբուխանյանը սորոսական չէ:

ՀՐԱՆՏ ՍԱՐԱՖՅԱՆ

Iravunk.com 

Հ.Գ.- Առավել մանրամասն կներկայացնենք քիչ անց: