Սրա նմանները խայտառակել ռեսպուբլիկան...

Դմիտրի Կիսելյովին ինադու գրելու են մեր երկրի պետական լեզվով....
Հենց այս տիպի մարդկանց պատճառով է,որ աշխարհի տարբեր մասերում ռուսներին չեն սիրում:Սրա նմանները առաջնուդվում են մարտնչող տգիտությամբ:Երևի ռուսաստանյան այս հանրաճանաչ "լրագրողը"չգիտեր,որ նույնիսկ ԽՍՀՄ տարիներին Խորհրդային Հայաստանի Երևան մայրաքաղաքը համարվել է այն միակ խոշոր քաղաքը,որի բնակիչները ՌՈՒՍԱԽՈՍ չեն եղել...ի տարբերություն Մինսկի,Ռիգայի,Ֆրունզեի,Տաշքենդ
ի,Բաքվի,Թբիլիսիի,Կիևի,Օդեսայի,Կարագանդայի,Գոմելի,Քիշնևի և այլն...
Ի՞նչ կապ ունի ռուսերենի իմացությունը ստրատեգիական գործըներության հետ:Ուկրաինայի բնակչության 99% ռուսախոս են...բա՞ ինչու Ռուսաստանի ստրատեգիական գործընկերը չեն...եթե ո՛չ,թշնամիները:Առանց ամոթի նստել էր ԱԺ փոխխոսնակի կողքին ու հեքիաթներ էր պատմում,թե ինչպես է Զվարթնոց օդանավակայանից տաքսիով ժամանել Երևան ու որ ''տաքսիստը" իր ծառայությունների արժեքը չի կարողացել մաքուր ռուսերենով իրեն ներկայացնել..այստեղ ինձ մոտ հարց է ծագում...բա Կիսելյովի նման կալիբրի անձին մեր իշխանություները ռիսկ կանեի՞ն չդիմավորեյին օդանավակայանում:Պարզվեց,որ Ռուսաստանի շահերի համար բոլորին շշպռող և վիրավորող անձի համար որպես տաքսի ծառայում էր ամերիկյան թանկարժեք ՀԱՄՄԵՐ մակնիշի ջիպը,որին նույնիսկ թույլ էին տվել հասնել ,չգիտես ինչու,մինչև ԱԺ գլխավոր մուտքը...այստեղ ինձ մոտ երկրորդ հարցը ծագեց-ամեն ՌՈՒՍԱԿԱՆԻ համար պայքարող անձը ինչո՞ւ չի շրջում իր երկրում արտադրված անորակ Վիլիսով ու հագնվում "Կլարա Ցետկինայի " անվան ֆաբրիկայում կարված կոստյում,այլ օգտվում է եվրոպական ու ամերիկյան հանրաճանաչ բրենդային ապրանքներից:Երևի ինքը ավելի լավ գիտի դրանց տարբերությունը,բայց մեզ պարտադրում է անել այն,ինչ իրենց է պետք..
Իսկ մեր իշխանությունները կրկին լռեցին:
Հ.Գ.
Ինչպես ասում էր ''Միմինո'' ֆիլմի հերոսներից մեկը.''Սրա նմաններն են խայտառակում ռեսպուբլիկան'':Իսկ ես իմ կողմից նաև կավելացնեմ...և սերմանում հակառուսական տրամադրություններ...

Գագիկ  Համբարյան