Սրիկա Պերմյակովի ներկայացրած պատճառաբանությունը ուղղակի ապսուրդ է...

Հունվարի 12-ին Գյումրիի Մյասնիկյան փողոցի տներից մեկում հրազենային վնասվածքներից սպանված էին գտել Ավետիսյանների ընտանիքի 6 անդամներին, այդ թվում` մեկուկես տարեկան դստերը, իսկ վեց ամսական Սերյոժա Ավետիսյանը վնասվածքներ էր ստացել եւ տեղափոխվել է հիվանդանոց: Սակայն Գյումրիի սպանդից փրկված փոքրիկը այսօր հիվանդանոցում  մահացավ: Կասկածյալը` ռուս զինվորական Վալերի Պերմյակովը ձերբակալվեց նույն օրը կեսգիշերին մոտ, ըստ պաշտոնական տվյալների` հայ-թուրքական սահմանի մոտ: Ներկայումս նա գտնվում է ռուսական ռազմակայանում: Նրան կալանավորել են եւ մեղադրանք են առաջադրել Ռուսաստանի Դաշնության Քրեական օրենսգրքի 105-րդ հոդվածի 2-րդ (երկուսից ավելի մարդկանց սպանություն) եւ 338-րդ հոդվածի 2-րդ մասի (դասալքություն? ծառայողական զենքով): Սպանության փաստով քրգործ է հարուցվել նաեւ ՀՀ Քննչական կոմիտեում:

Ողբերգական դեպքի մասին, ինչպես նաեւ այս օրերին վերոնշյալ դեպքի հետ կապված, թե ի՞նչ տրամադրվածություն է տիրում ռուս ժողովրդի մոտ փորձեցինք զրուցել ՌԴ-ում բնակվող Արցախյան պատերազմի հերոս, գեներալ-լեյտենանտ ՆՈՐԱՏ ՏԵՐ-ԳՐԻԳՈՐՅԱՆՑԻ հետ, ով Fnews.am-ի  հետ զրույցում մասնավորապես ասաց.

-Իրականությանը չի համապատասխանում համացանցերում տեղ գտած տեղեկություններն այն մասին, թե Ռուսաստանը չի սգում մեկ շաբաթ առաջ Գյումրիում տեղի ունեցած ողբերգության համար: Այստեղ` Մոսկվայում, հավատացեք ապշած եւ ցնցված են բոլորը, ոչ ոք չի կարողանում պատկերացնել, թե ինչպես է նման ոճրագործություն իրականցրել ռուս զինվորը: Սգում եւ իրենց զորակցություն են հայտնում նաեւ տեղի հայերը, դեպքից անմիջապես հետո մենք հավաքվել են տեղի հարյուրից ավել գյումրեցիների հետ, որի ընթացքում մենք` մեկ րոպե լռությամբ հարգեցինք Ավետիսյանների ընտանիքի հիշատակը, յուրաքանչյուրս մեր կարծիքն արտահայտեցինք կատարվածի վերաբերյալ: Թյուր կարծիք է ձեւավորված Հայաստանում գտնվող մի խումբ անձանց մոտ, ովքեր կարծում են, որ Ռուսաստանը ամենեւին չի կիսում հայերի վիշտը:
- Ինչպե՞ս կբնութագրեք Պերմյակովին եւ իր արարքը:
-Նրան բնութագրելը շատ դժվար է, մի բան բացահայտ է. նա անդաստիարակ, անխիղճ հանցագործ է եւ, որ ամենակարեւորն է` ծնվել եւ մեծացել է մի ընտանիքում, որտեղ ատել են հայերին, հակառակ դեպքում չէր կարող տասնիննամյա զինվորը նման սպանդ իրականացնել` չխնայելով անգամ մանկահասակ երեխաներին: Նրան դժվար է մարդկային հատկանիշներ վերագրելը, նրա մոտ բացակայում է մարդկային ամեն բան:
-Ի՞նչ կասեք այն տարածված լուրերի մասին, որ ՌԴ-ից Հայաստանի ռազմաբազայում ծառայելու համար, ուղարկում են անհաջող կադրեր:
- Ժողովրդական մի այսպիսի խոսք կա` գյուղ չկա, որ շուն չլինի... որքանով ես եմ տեղյակ ՌԴ-ից Հայաստան են ուղարկվում ծառայելու դաստիարակված, կարգապահ, հայրենասիրական ոգով դաստիարակված զինվորներ, բայց ցավոք սրտի, ստացվել է այնպես, որ ռազմաբազա է ընկել այդ սրիկա Պերմյակովը(այն չափ զզվելի ինձ նրա մասին խոսելը, որ նույնիսկ անուն-ազգանունով է ափսոս իրեն դիմել Ն. Տ. Գ.), այդ անասնական բնազդով առաջնորդվող բարբարոսը, ով առանց մի վարկյան անգամ վարանելու սպանդի ենթարկեց Ավետիսյանների անմեղ ընտանիքին: Հայտնի է, որ ինքը չեչենական ընտանիքից է, դաստիարակվել է սեկտայի անդամ ընտանիքում, եւ չի բացառվում, որ նրան համոզել են, որ դա դիտավորյալ են արել, որպեսզի այդ ողբերգությունը հայերի մոտ ըմբոստության ալիք բարձրացնի եւ հայերը սկսեն տարբեր տեսակ թյուր կարծիքներ հնչեցնեն ռուս ժողովրդի նկատմամբ: Եվ, եթե դա այդպես է, ապա վերջիններիս մոտ դա կարծես թե ստացվում է, հայերը այդ ողբերգության օրերին ամենուր գոռում էին."Հավաքեք ռուսական ռազմաբազան, պետք է այն ցրել եւ այլն": Փառք Աստծո, որ նման կոչեր այժմ չեն հնչում, քանի որ դա իսկապես շատ մեծ հիմարություն կլինի հայերի կողմից, որովհետեւ հակառակորդին` թե' Թուրքիային եւ թե' Ադրբեջանին հենց դա էլ պետք է, որպեսզի այնտեղ չլինի ռազմաբազա, եւ դա է պատճառը, որ թշնամին ջանք չի խնայում վերջ դնելու հայ-ռուսական դարավոր բարեկամությանը: Այդ իսկ պատճառով, իմ խնդրանքն է հայ ժողովրդին, որպեսզի իրենք վշտից ելնելով չանեն այնպիսի քայլեր, որոնք մեծ ուրախություն կպատճառեն մեր թշնամիներին: Չպետք է այնպես անենք, որ ինչ-որ տականքի անմարդկային արարքի համար փչանանան հայ-ռուսական միջպետական հարբերությունները: Առավել եւս, որ Ռուսաստանի Դաշնությունը եւս խորը ցավակցություն է հայտնում Ավետիսյանների հարազատներին եւ միայն ուրախ կլինի, որ իրավապահ մարմինները մանրակրկիտ եւ օբյեկտիվ քննություն իրականացնեն, եւ քննության ավարտին տան մի շարք դեռեւս անհասկանալի հարցերի պատասխաններ:

Մասնավորապես, թե ինչու է նա նման ոճրագործություն իրականացրել հատկապես Ավետիսյանների ընտանիքի նկատմամբ, քանի որ իր տված պատճառաբանությունը, թե իբր ջուր խմելու է մտել, բայց տեսել է, որ իրեն նկատել են, որոշել է ազատվել մի ամբողջ ընտանիքից, ուղղակի աբսուրդ է: Այն դեպքում, երբ բոլորն են տեղյակ հայերի հյուրասիրությանը, հատկապես նրան, թե ինչպես են նրանք վերաբերում զինվորներին, չեմ կարծում, որ եթե այդ սրիկա Պերմյակով կոչվածը Ավետիսյաններից մի տաքուկ բաճկոն եւ քաղաքացիական տաբատ խնդրեր, նրան կմերժեին: Այստեղ պետք է մանրակրկիտ քննություն իրականացնել, որովհետեւ վերջինիս ներկայացրած պատճառաբանությունը, անձամբ ես կարծում եմ հեռու է իրականությունից:

Կամ եթե, մի պահ մտածենք, որինքը դա արել է, որ իրեն չմատնեն, իսկ այդ դեպքում ինչո՞ւ է նույն տեղում թողել սյնպիսի ապացույց, որն իրեն միանգամից կմատներ, որից միանգամից հայտնի կդառնար, որ ոճրագործը ռուս է: Մեկ անգամ եւս ուզում եմ դիմել հայրենակիցներիս, որ մի ստորի պատճառով, պետք չէ կարծիք կազմել մի ամբողջ ռուս ժողովրդի մասին, քանի որ ես Ձեզ վստահեցնում եմ, որ ոչ մեկը չէր ցանկանա նման բան: Ես Ձեզ ավելին ասեմ, Մոսկվայում գտնվող շատ ռուս զինվորականներ, որոնց հետ ես խոսել եմ ուղղակի ապշած են կատարված ողբերգությամբ: Իհարկե, համացանցում կան որոշ ռուսներ, ովքեր անհարգալից վերաբերմունք են դրսեւորում, բայց այդ մի քանիսով պետք չէ տպավորություն կազմել ռուս ժողովրդի մասին:
- Ըստ Ձեզ, որտե՞ղ պետք է դատվի եւ պատիժը կրի Պերմյակովը:
- Ես չեմ կարող ասել, թե իրավաբանորեն, որտեղ պետք է օրենքով դատվի այդ սրիկան: Բայց, ըստ իս, լավ կլիներ, որ քննությունը իրականացնի ՌԴ-ն, բայց հայ իրավապահների անմիջական ներկայությամբ: Ինչո՞ւ, որովհետեւ հայերը կարող են միայն ասել, թե այ ստոր ինչու նման բան արեցիր, քո ինչին էր պետք ու վերջ: Իսկ, մյուս նրբությունների մասին, մասնավորապես, թե ի՞նչ ընտանիքից, ի՞նչ սեկտայի անդամ է, ինչո՞ւ են նրան ուղարկել Հայաստան, ովքե՞ր են ուղարկել, ավելի լավ կքննեն ռուս իրավապահները:

Տաթեւիկ  Աբրահամյան