Ստամոքսի ցավերի առաջացման հիմնական պատճառները

Կախված բնույթից, ինտենսիվությունից ու ստամոքսում հայտնվող ցավի ժամանակից, հնարավոր է ճշգրտորեն որոշել վերիջինիս պատճառը: Դա կարող է լինել գաստրիտ կամ խոց, իսկ գուցե նաև գերհոգնածության, սթրեսի, ալերգիայի և մի շարք այլ պատճառների հետևանք (Tert.am):

Այսպիսով փորձենք հասկանալ ստամոքսի շրջանում ցավերի առաջացման հիմնական պատճառները

1. Գերսնուցում

Եթե ձեր սննդակարգում գերակշռում է տապակած, յուղոտ, աղի սնունդը, ապա այն կարող է դառնալ ինչպես ստամոքսի, այնպես էլ ամբողջ մարսողական համակարգի նորմալ աշխատանքի խանգարման պատճառ: Ցավային զգացողություններով կարող է փոխադարձաբար ուղեկցվել և սննդի մշակման և յուրացման պռոցեսը:

2. Գերհոգնածություն

Ստամոքսում ցավեր կարող են առաջանալ աշխատանքային ծանրաբեռնվածությունից ու ինտենսիվ մարզումներից հետո, ինչը ազդանշան է , որ հարկավոր է հանգստանալ:

3. Սթրես

Սթրեսը բացասաբար է ազդում օրգանիզմի գրեթե բոլոր օրգանների ու համակարգերի աշխատանքի վրա: Իսկ էմոցիոնալ լարվածության հետևանքով ստամոքսում ցավերը հաճախակի առաջանում է սթրեսադիմացկուն մարդկանց մոտ:

4. Գաստրիտ

Այս վիճակը կարող է առաջանալ ինչպես բակտերիաների, այնպես էլ էմոցիոնալ լարվածության, վնասվածքների և մի շարք այլ հիվանդությունների հետևանքով: Հայտնի է, որ էրոզիվ գաստրիտն առաջանում է դեղամիջոցներով երկարատև բուժման հետևանքով: Այն կարող է նաև առաջանալ ալկոհոլի ու կծու սննդի չարաշահման հետևանքով: Ցածր իմունիտետի դեպքում կարող է առաջանալ վիրուսային կամ սնկային գաստրիտ: Իսկ ալերգիայի դեպքում առաջանում է էոզինոֆիլային գաստրիտ: Ստամոքսի լորձաթաղանթի հյուծվածության դեպքում կարող է առաջանալ ատրոֆիկ գաստրիտ:

5. Խոցային հիվանդություն

Խոցային հիվանդությունը, ինչպես նաև տասներկումատնյա աղիքի խոցն արտահայտվում է ստամոքսի շրջանում ինտենսիվ ցավերով:

6. Ստամոքսի քաղցկեղ

Այս հիվանդությունը վաղ շրջանում հիմնականում ընթանում է առանց ախտանշանների, սակայն ժամանակի ընթացքում կարող են հայտնվել դիսկոնֆորիտի զգացողություններ, ինչպես նաև ստամոքսում ցավային զգացողություններ:

7. Ստամոքսի պոլիպներ

Սովորաբար նման բարորակ ուռուցքներ առաջանում են ստամոքսի ներքին պատի վրա: Նրանք չն առաջացնում սուր կամ ուժեղ ցավեր: Իսկ ահա փորի շրջանում սեղմելիս այդ 2 ախտանշաներն էլ կդրսևորվեն: Այդ վիճակը կարող է ուղեկցվել նաև սրտխառնոցով ու փսխումով:

Ավելին health.tert.am