Սթափվեք ու սթրվեք ձեր տեղերը և խոսեք ավելի լուրջ բաներից…

Լսում, կարդում, դիտում և զարմանում եմ մերօրյա քաղաքական ու այլազան <<վերլուծաբանների>>, ազգային, քաղաքական գործիչների վրա, երբ բարբաջում են ինքնիշանության կորստի, Ռուսաստանին կամակատար լինելու, վասալային կարգավիճակի մասին:
Լավ, ինչո՞վ են մտածում այս մարդիկ, ինչքա՞ն կարելի է մարդկանց զգացմունքների հետ խաղալ, մոլորեցնել…Նրանց կրթական մակարդակը, չիմանալն օգտագործել իրենց քաղաքական, անձնական և այլ երկրներին իրենց ծախվածությանը ծառայեցնելու նպատակներով…
Ի՞նչ պետք է անի Հայաստանը, որը մի սովորական քաղաքի բնակչություն ունի, որի տարածքը կարելի է երեք-չորս ժամում ծայրից-ծայր հանգիստ անցնել, որը շրջապատված է թշնամական երկրներով, գտնվում է գրեթե պատերազմական վիճակում, որի բյուջեն տասնապատիկ քիչ է հայտնի ֆուտբոլային թիմերի բյուջեից, որն ունի տնտեսական, սոցիալական լուրջ պրոբլեմներ և արցախյան հմնախնդիր: Եվ վերջապես սեպի նման խրված է պանթուրքիստների, պանիսլամիստների կոկորդում…

Ո՞վ է անկախ…Իհարկե ոչ մեկը…

Ձեր եվրոպական երկրները` նույնիսկ Գերմանիան իր հզոր տնտեսությամբ անկախ չի: Բոլորը կախված են Միացյալ Նահանգներից ու պարում են նրա դուդուկի տակ…ԱՄՆ-ը Քաջ Նազարի գյադեքի նման ոնց ասեք, որ կողմն ասեք տշում է նրանց…Ինչի՞ մասին է խոսքը…Էշի նման ենթարկվեցին Միացյալ Նահանգներին ու խրվեցին ուկրաինական խոզի ճարպով, սխտորով, պղպեղով լցված տակառի մեջ, ներքաշվեցին Ռուսաստանի հետ անմտածված և անհեռանկար արկածախնդրության մեջ:
Դա էլ նրանց անհեռատեսությունից էր, եթե խելք ունենային ապա Ռուսաստանին այլ կերպ կտիրեին` խորամանկությամբ…Անծայրածիր երկիր էր, լիքը օգտակար հանածոներով, էժան աշխատուժով, հատուկ ծրագիր մշակեին և իրենց արդյունաբերական ֆիրմաներով <<լցնեին>> Ռուսաստանը, այդ երկրի տնտեսությունը, կաշառակեր չինովնիկներն ու քաղաքական գործիչները կախվածության մեջ գտնվեին իրենց կապիտալից…
Ի՞նչ ստացան…Ճիշտ եք, երեք մատի կոմբինացիա, ցցած միջնամատ, հսկայական ֆինանսկան կորուստներ…
Իսկ դու՞ք` Հայաստանն անկախ չի, ինքնիշխան չի, Հայաստանում ռուսական ռազմաբազա կա: Ամբողջ Գերմանիան, ինչու չէ ամբողջ Եվրոպան, ամեն քայլափոխի ամերիկյան ռազմաբազաներ են: Եթե ուզում եք իմանաք, ապա նույնիսկ ԱՄՆ-ը անկախ չի…Դուք ուղղակի ժողովրդին եք թունավորում, օգտագործում ձեր նպատակների համար…
Սթափվեք ու սթրվեք ձեր տեղերը և խոսեք ավելի լուրջ բաներից…Եթե չեք կարողանում անշահախնդիր օգնել ապա գոնե լուռ մնացեք, որովհետև վաղ թե ուշ պատռվում է ձեր դիմակը իր այլանդակ հետևանքներով հանդերձ…

Ռոբերտ Մելքոնյան