Ստիպել են զբաղվել մարմնավաճառությամբ՝իրի նման վաճառելով օտարազգիների

Fnews.am-ը շարունակում է ներկայացնել Կենտրոն Նորք Մարաշ ընդհանուր իրավասության դատարանում, Դատավոր Արշակ Վարդանյանի նախագահությամբ քննվող բազմաթիվ հայ աղջիկների Դուբայ սեռական շահագործման ուղարկած Հերիքնազ Խաչատրյանի գործով տուժողների պատմությունները: Մեր հերթական զրուցակիցը, ով չնայած շատ մեծ դժվարությամբ էր խոսում իր հետ կատարավածի մասին, հակիրճ փորձեց ներկայացնել իր պատմությունը."Ինձ խաբեությամբ` օգտվելով իմ սոցիալական ծանր պայմաններից, ուղարկեցին Դուբայ: Ինձ այնտեղ սպառնալիքի ու նվաստացնելու ազդեցության տակ տարան մի բնակարան, որտեղ պետք է մոտ 4-5 ժամ հաճախորդի հետ ունենայի տարբեր տեսակի սեռական հարաբերություններ, այդ թվում՝ օռալ եւ խմբակային հարաբերություններ մի քանի տղամարդու հետ։

Ինձանից վերցրեցին անձնագիրս, սահմանափակեցին տեղաշարժիս իրավունքը, միակ զբաղմունքս պետք է հաճախորդներ գրավելը լիներ, իսկ այդտեղ գալիս էին հիմնականում տարեց օտարազգի տղամարդիկ: Հասկանալով, որ անձնագիրս գտնվում է նրանց մոտ, չունեմ գումար, ծանոթներ, իրենք էլ օգտվելով իրավիճակիցս ստիպում ու պարտադրում էին զբաղվել Նելուշի նշածով: Միայն հրաշքով, չեմ էլ ուզում հիշեմ այդ օրերը կարողացա փախչել նախ Թբիլիսի, հետո Հայաստան: Հուսով եմ, որ Հերիքնազը կստանա իր հասանելիք պատիժը, չնայած նման անսիրտ մարդիկ, ովքեր իրի նման վաճառում են մարդկանց օտարազգիների, ինչ է թե իրենց բիզնեսը ծաղկի":

Նշենք, որ Հերիքնազ Խաչատրյանին մեղադրանք է առաջադրվել այն բանի համար, որ նա բնակվելով Արաբական Միացյալ Էմիրությունների Դուբայ քաղաքում և Նելլի Ներսիսյանի ղեկավարությամբ զբաղվելով մանրավաճառությամբ, մարդու թրաֆիքինգի` շահագործման նպատակով մարդկանց հավաքագրելու, տեղափոխելու, փոխանցելու, թաքցնելու, ստանալու, ինչպես նաև սեռական` պոռնկության շահագործման վիճակի մեջ դնելու և պահելու դիտավորությամբ, միավորվելով Հայաստանում բնակվող ավագ քրոջ` Բավական Խաչատրյանի և մարդկանց շահագործման նպատակով ստեղծած կազմակերպված խմբի ղեկավար` Արաբական Միացյալ Էմիրություններում բնակվող Նելլի Ներսիսյանի հետ, անդամագրվել է նշված կազմակերպված խմբին: Ապա` իրենց հանցավոր մտադրությունն իրագործելու նպատակով կատարել են համապատասխան դերաբաշխում, այն է` Նելլի Ներսիսյանը ղեկավարելով հանցավոր խմբի գործողությունները, անձամբ կազմակերպել է հավաքագրված անձանց մուտքի հրավեր ստանալը, կատարել նրանց Դուբայ տեղափոխելու հետ կապված ծախսերը, ստացել նրանց Դուբայ քաղաքում, իսկ Հերիքնազ և Բավական Խաչատրյանները կատարել են կանանց հավաքագրման և Դուբայ տեղափոխելուն, փոխանցելուն, թաքցնելուն ուղղված գործողությունները:

Տաթեւիկ Աբրահամյան