Սուրեն Սուրենյանց. Մեզ խելահեղ պատմական ամիսներ ու օրեր են սպասվում

«Դեմոկրատական այլընտրանք» կուսակցության Քաղաքական խորհրդի նախագահ Սուրեն Սուրենյանցը գրում է.

«ԱՄՆ նախագահ Ջո Բայդենը, իր պաշտոնավարման ընթացքում, երկրորդ անգամ է հատուկ ուղերձով դիմել ժողովրդին:

Նա մի քանի առանցքային շեշտադրումներ է արել.
. այսօր շտապ բյուջետային հարցումով դիմելու է Կոնգրես՝ Ուկրաինային ու Իսրայելին աջակցելու նպատակով
. Ինչքանով Վաշինգտոնը կարող է երկու ճակատով արդյունավետ իրացնել համաշխարհային հեգեմոնի կամ «ամերիկյան բացառիկության» իր առաքելությունը, ցույց կտա ժամանակը,
. Ուկրաինային աջակցությունը համարել է «խելամիտ ներդրում»՝ շարունակելով հավատարիմ մնալ պրոքսի պատերազմի տրամաբանությանը,
. «խելամիտ ներդրում» ձևակերպումն այս պարագայում ցինիկ, բայց օբյեկտիվ է հնչում, որովհետև Վաշինգտոնը գերադասում է Ռուսաստանի հետ պատերազմել ոչ թե սեփական մարդկային ռեսուրսի հաշվին, այլ՝ «մինչև վերջին ուկրաինացին» բանաձևով,
. կարծում է, որ Իսրայելի իշխանությունները «չպետք է կուրանան զայրույթից», շեշտը դնում է Իսրայելին ուժեղ աջակցության վրա՝ կանխելու համար պատերազմի տարածումը, մյուս կողմից՝ իսրայելա- պաղեստինյան հակամարտության մեջ աջակցում է երկու պետության սկզբունքին,
. Խնդիրն այն է, որ Բայդենի մերձավորարևելյան վերջին այցը ձախողվել է: Հորդանանում քառյակի գագաթաժողովի տապալումը հուշում է, որ առնվազն արաբական աշխարհը կասկածի տակ է դնում Վաշինգտոնի անաչառ ու բարեխիղճ միջնորդությունը(այս միտումն ավելի է խորանալու Գազայի հատված Իսրայելի ցամաքային հնարավոր ներխուժումից հետո):
◇ Ամփոփում. Բայդենի ելույթը, մեծ հաշվով, ուղղված է համաշխարհային տուրբուլենտության ու քաոսի մեծացմանը: Մեզ խելահեղ պատմական ամիսներ ու օրեր են սպասվում»։