Սխալ են եղել Կենտրոնական բանկի նախկին կանխատեսումները. Հայոց Աշխարհ

Գների վերջին բարձրացման կապակցությամբ, որ ներառում է բազմաթիվ ապրանքային շուկաներ, Կենտրոնական բանկը ունի լուրջ մտահոգություններ թիրախային ցուցանիշների ապահովման առումով։ Հաշվի առնելով այդ հանգամանքը՝ ԿԲ-ն որոշեց վերանայել վերաֆինանսավորման տոկոսադրույքը։ Եթե մինչեւ վերջերս Կենտրոնական դրամատունն այն նվազեցնում էր, ապա այժմ ստիպված է հակառակն անել։ Անցած օը տեղի ունեցած նիստում ԿԲ խորհուրդը համաձայնություն տվեց վերաֆինանսավորման տոկոսադրույքի կտրուկ բարձրացմանը։
Հիշեցնենք, որ այն նպատակ ունի փողի թանկացման միջոցով ազդել գների վրա։ Այլ հարց է, թե այդ միջոցը որքանով է արդյունավետ ծառայում իր նպատակին։

Վերաֆինանսավորման տոկոսադրույքը միանգամից բարձրացվեց 1,75 կետով՝ հասցնելով մինչեւ 8,5 տոկոսի։ Տոկոսադրույքի նման կտրուկ փոփոխություններ շատ հազվադեպ են արվում։ Մի բան, որ հիմք է տալիս ասելու, որ ԿԲ-ն գնաճի ակտիվացման հետ կապված լուրջ մտահոգություններ ունի։
Սակայն, մյուս կողմից, ակնհայտ է, որ սխալ են եղել Կենտրոնական բանկի նախկին կանխատեսումները, այն ժամանակին չի կարողացել ճիշտ գնահատել առաջիկա սպասումները։ Այլապես տարվա կեսերին ակտիվորեն չէր նվազեցնի վերաֆինանսավորման տոկոսադրույքը, որով նպատակ ուներ նպաստել տնտեսական գործընթացների աշխուժացմանը։ Նույնիսկ դեկտեմբերի սկզբին, երբ արժութային շուկայում սկսվել էր դրամի թուլացումը եւ մեծացել գնաճային ճնշումը՝ Կենտրոնական բանկը փորձ անգամ չարեց տոկոսադրույքը մի փոքր բարձրացնել, որպեսզի այժմ ստիպված չլինի գնալ նման կտրուկ վերանայման, ինչը լուրջ հարված է տնտեսության համար»։

Մանրամասները՝ թերթի այսօրվա համարում: