Սյունիքի մարզը ղեկավարելը ամեն մեկի խելքի բանը չէ...

Սյունիքի մարզպետի նշանակման շուրջ քննարկումները վերջին օրերին դարձել են ներքաղաքական կյանքի թիվ մեկ հարցը:
Թեեւ դա մի կողմից վկայում է Սյունիքի մարզի կարեւորության եւ ստրատեգիական նշանակության մասին, ինչն իհարկե գուցե շատերի խելքի բանը չէ: Բայց անչափ վիրավորական է, որ մեր` սյունեցիներիս անունից դատողություններ են անում մարդիկ, ովքեր ընդհանրապես Սյունիքում չեն եղել, ովքեր որեւէ պատկերացում չունեն Սյունիքի մասին, ովքեր հանդես են գալիս կեղծ ստորագրություններով, անստորագիր նյութերով կամ բացառապես բամբասանք պարունակող խզբզոցներով: Առավել ապշեցնող է հանգամանքը, որ կասկածելի վարքով հռչակված ինչ-ինչ ծպտյալ դեմքեր իրենց իրավունք են վերապահում այնպիսի անհեթեթությունների ու ստի մասին խոսել, որն արդեն անցնում է բոլոր սահմանները:

Այս կարծքին է Սյունքի մարզի Ագարակ համայնքի ղեկավար Մխիթար Զաքարյանը,ով Fnews.am-ի հետ զրույցում նշեց.

-Գիտեք ինչքան կարելի է կորցնել խոսքի արժեքն ու կարեւորությունը, ու առանց որեւէ բան տեղյակ լինելու հայտարարել, թե Սյունքիում վախի մթնոլորտ է, որ ստիպում են ստորագրություն հավաքել, որ ստիպում են` սա անել, նա անել: Այդպիսի բան չկա, դրանք պարապ մարդկանց խոսակցություններ են, եւ գուցե որոշ մարդկանց ցանկությունների արգասիքը: Չկա այդպիսի բան, Սյունքիում ամեն ինչ խաղաղ է, մարդիկ ապրում են իրենց կյանքով, իսկ սյունեցեիների զգալի հատվածը, այո ցանկանում է Սյունիքի նախկին մարզպետ Սուրիկ Խաչատրյանի վերադարձը, քանի որ մարզում շատ-շատերը գիտեն ու քաջատեղյակ են, որ Սուրիկ Խաչատրյանի օրոք մեր մարզը իսկապես ոտքի է կանգնել ու կարողացել է բազում խնդիրներ լուծել: Գուցե մի քանիսը Սուրիկ Խաչատրյանի խիստ եւ պահանջկոտ բնավորությանը ծանոթ լինելով, անհանգստանում են, քանի որ իրենք իրենց տեղում չեն, բայց դա չի նշանակում, որ այդ մարդիկ կարող են իրենց իրավունք վերապահել, ու խոսել ամբողջ սյունեցիների անունից: Ես որպես համայնքի ղեկավար, ձեզ հավաստիացնում եմ, որ այս մարզը կառավարելը ամեն մեկի խելքի բանը չէ.մեզ ուժեղ մարզի ղեկավար է պետք, ով քաջածանոթ է մարզին, եւ ով իսկապես կապված է այս մարզ հետ , այլ ոչ թե Աստծու օրը մտածում է ոնց հասնի Երեւան:
Սուրիկ Խաչատրյանը այն ժամանակ էլ, հիմա էլ ,միշտ կանգնել է սյունեցու կողքին,չի կարելի այդքան ուրանալ նրա արածն ու դրած այս մարզի համար:
Ի՞նչ է, Սյունիքի մարզի հետ կատակ ե՞ք անում: Սա այն մարզն է, որը չի կարելի համեմատել մյուս մարզերի հետ:
-Ինչո՞ւ:

-Որովհետեւ, այս մարզը ռազմավարական ու ստրատեգիական լուրջ նշանակություն ունի, իսկ ամեն մի ղեկավար այստեղ չի կարող աշխատել, ու կառավարել: Այստեղ սյունեցեիների հետ գործ ունեն, իսկ նրանց ղեկավարելը, հավատացեք հեշտ գործ չէ:

Սյնուքիում տիրող տրամադրությունների , նոր մարզպետի հավանական թեկնածուի ու սյունեցիների ներկայիս գործողությունների ու անելիքների շուրջ, լսեցինք նաեւ Քաջարանի քաղաքապետ Վարդան Գեւորգյանի մեկնաբանությունը, ով նույնպես իր խոսքում ընդծեց, որ սյունեցեիները կողմ են Սուրիկ Խաչատրյանի վերադարձին, եւ որ չի կարելի մի քանի հոգու կարծքիը ներկայացնել`բոլորի անունից:

Վարդան Գեւորգյանը մասնավորապես նշեց.

-Նախ եւ առաջ, ես ուզում եմ ասել, որ Սյունքիում վախի մթնոլորտ ու այլ տիպի խնդիրներ չկան: Սյունեցին հաղթանակած ու ճանապարհ անցած տեսակ է, սյունեցու մասին այդպես չի կարելի խոսել:Ես արդեն 12 տարի է համայանքի ղեկավար եմ, ու Սուրեն Խաչատրյանին ճանաչում եմ 1992 թթ-ից, ու պիտի ասեմ, որ նրան ճանաչում եմ որպես պետականամետ ու հայրենասեր մարդու, որը երբեք իր ուղուց չի շեղվել: Որեւէ մեկը չի կարող ասել, որ Սուրիկ Խաչատրյանը պետականամետ չէ. նրա համար միշտ էլ գերակա է եղել պետության ու ժողովրդի շահը:Դա անուրանալի է, եւ ոչ ոք չի կարող ուրանալ այդ փաստը: Հասկանում եք, նրա ղեկավարման տարիներին Սյունիքը միանգամից թափ առավ: Մեր բոլոր մարզպետներն էլ ձեռագիր են ունեցել, բայց Սուրիկ Խաչատրյանի դեպքում ակնհայտ է, որ մարզը կազմակերպված ու կարգ ու կանոնով է աշխատել:
Ես միանշանակ կուզենայի աշխատել Սուրիկ Խաչատրայնի հետ, քանի որ կրկնում եմ նրա <դիսցիպլինան> բոլորին է պարտավորեցնում լավ աշխատել ու խնդիրներին մատերի
արանքով չնայել:Ես վստահ եմ, որ մեր համայնքները, մեր մարզը կշահի`եթե Սուրիկ Խաչատրյանը ղեկավարի մարզպետի աշխատանքը:
-Իսկ այն խոսակցությունները, որ վախի մթնոլորտում ստորագրություններ են հավաքվում…
-Այդպիսի բան չկա, դրանք սուտ, հորինված ու անիմաստ խոսակցություններ են: Նման բան չկա, այլ հարց է, որ նման խոսակցությունները` չեղած տեղից փորձում են շրջանառության մեջ դնել`նեղ անձնական ամբիցիաներին տուրք տալու հաշվին միայն:

Սոնա  Ավագյան