Սյուզան Մարգարյանը՝ Սիրուշոյի հղիության մասին

Life.panorama.am-ը գրում է.

Լրատվամիջոցներից մեկը տեղեկություն էր հրապարակել, համաձայն որի՝ երգչուհի Սիրուշոն պատրաստվում է երկրորդ անգամ մայրանալ: Նշվում էր, որ նախկին նախագահ Ռոբերտ Քոչարյանի կրտսեր որդու` Լևոն Քոչարյանի և երգչուհու երկրորդ բալիկը լույս աշխարհ պետք է գա 2016-ի ամռանը: Կայքը նշել է, որ երգչուհու հղիության մասին իրենց պատմել են վերջինիս ընկերները:

Լուրի վերաբերյալ մեկնաբանություն ստանալու նպատակով Life.panorama.am-ը կապ հաստատեց Սիրուշոյի մայրիկի՝ ՀՀ վաստակավոր արտիստ, երգչուհի Սյուզան Մարգարյանի հետ, ով, սակայն, չցանկացավ ոչ մի մեկնաբանություն տալ այս թեմայով. «Ինձնից մեկնաբանության մի սպասեք, նման հարցերին ես չեմ պատասխանում»,- նշեց Սյուզան Մարգարյանը:

Վերջին շրջանում հայկական շոուբիզնեսի ներկայացուցիչներն առանձնակի խնամքով են թաքցնում անձնական կյանքին վերաբող դրվագերը: Հիշեցնենք, որ օրեր առաջ էլ երգչուհի Նադեժդա Սարգսյանն էր Life.panorama.am-ի հետ զրույցում վրդովմունք հայտնել իր դստեր՝ Էմմիի նորածին որդու լուսանկարը համացանցում տարածելու կապակցությամբ: