ԹԱԼԱՆԵԼ ԵՆ ՄԻ ՇԱՐՔ ԱՂՄԿԱՀԱՐՈՒՅՑ ԳՈՐԾԵՐՈՎ ՀԱՅՏՆԻ ՓԱՍՏԱԲԱՆ ԼՈՒՍԻՆԵ ԶԵՅՆԱԼՅԱՆԻ ԱՌԱՆՁՆԱՏՈՒՆԸ

Նախօրեին քրեական գործերով հայտնի փաստաբան Լուսինե Զեյլնալյանը հայտնաբերել է, որ թալանել են իր  Նոր Կյուրին համայնքում գտնվող  չբնակեցված առանձնատունը. մասնավորապես փաստաբանին պատճառել են գույքային վնաս: Այս մասին Newsmedia.am-ի հետ զրույցում ահազանգեց անձամբ փաստաբանը, մանրամասնելով.

-Դեպքը տեղի է ունեցել մարտի 10-12-ը ընկած ժամանակահատվածում, երբ ես բացակայել  եմ Հայաստանից, բայց ինքս դեպքի մասին տեղեկացել եմ նախօերին, երբ այցելել  եւ ականատեսն  եմ եղել, թե ինչ է կատարվում իմ նորակառույց առանձնատանը: Երկու շաբաթ անդադար ջոր է լցվել տուն, որովհետեւ ուրագով ջարդել են  Բաքսի համակարգը՝ իր ամբողջ մարտկոցներով, անգամ պտտուտակները չեն անջատել, որպեսզի ջուրը լցվի տուն:

-Ինչպե՞ս են տուն մտել:

-Տան հետնամասից` առաջին հարկի լուսամուտից:

-Ինչի՞ց եք ենթադրում, որ գողությունը տեղի է ունեցել մարտի 10-12-ը, քանի որ  երեկ եք տեղեկացել դեպքի մասին:

-Ջրի ցուցիչներով ենք մոտավորապես հաշվարկ արել, որովհետեւ 3 տարի է, ինչ այդ տունը կա, ու ամբողջ երեք տարվա մեջ 197 խորանարդ է օգտագործվել ընդամենը:

-Իսկ, հարեւաններ չկա՞ն մոտակայքում, ովքեր  կարող էին  ժամանակին որեւէ  բան  նկատած լինել եւ  անմիջապես  Ձեզ   տեղյակ պահել:

-Ասում են, որ մի հոգու տեսել են կասկածելի արտաքինով, ցածրահասակ մի տղամարդու հենց այդ օրերին, բայց հստակ բաներ չեն կարողանում նկարագրել:

-Տիկին Զեյնալյան, Դուք սա որեւէ կերպ կապո՞ւմ եք Ձեր մասմագիտական գործունեության հետ:

-Այո, անկեղծ ասած կապում եմ, որովհետեւ ես շատ հնչեղ գործերով եմ զբաղվում` քաղաքական բնույթից սկսած՝  մինչեւ կենցաղային: Այնպես որ այո, ես չեմ բացառում, որ այս ամենը իմ պաշտպանական գործունեության դեմ է:

-Դիմե՞լ եք իրավապահներին տիկին Զեյնալյան:

-Այո, իրավապահները շատ արագ արձագանքել են:

-Իսկ շատե՞րը գիտեին, որ Դուք քաղաքից դուրս առանձնատուն ունեք:

-Այո, շատերը գիտեն, որ ես քաղաքից դուրս ունեմ նորակառույց:

ՆՈՆԱ ԱԴԱՄՅԱՆ 

NewsMedia.am 

Լուրեր Հայաստանից եւ Աշխարհից