Տավարի մսի արժեքը այժմ 2890 դրամից մինչև 3200 դրամ է կազմում

Այս տարվա ամռան ամիսներին մեծ քանակությամբ խոշոր և մանր եղջերավոր կենդանիներ են արտահանվել Հայաստանից: Միայն սեպտեմբեր ամսին արտահանվել է 3186 գլուխ խոշոր եղջերավոր կենդանի, իսկ 5086 գլուխ՝ մանր եղջերավոր: Մամուլում լուրեր են տարածվել, որ արտահանման թվի էական մեծացումը բերել էր ներքին սպառման համար վաճառվող տավարի մսի թանկացման՝ մոտ 8 տոկոսով: Առաջին խմբաքանակը հիմնականում արտահանվել է Իրաք, իսկ երկրորդը՝ Կատար:

Թե որքանով է բարձրացվել երևանյան սուպերմարկետներում տավարի մսի գինը Slaq.am-ը զանգահարեց Երևանում գործող մի շարք սուպերմարկետներ:

«Սաս» սուպերմարկետից հայտնեցին,որ տավարի միսի արժեքը այժմ 2890դրամից մինչև 3200դրամ է կազմում (ըստ տեսակների),

«Պարմա», «Վաս» սուպերմարկետներից հայտնեցին, որ տավարի մսի արժեքը մնացել է նույնը

«Նոր Զովք» սուպերմարկետից մեզ հետ զրույցում հայտնեցին, որ սուպերմարկետում տավարի մսի գինը թանկացել, սակայն գնի մասին տեղեկություններ սուպերմարկետից մեզ չտրամադրեցին։

Ազգային վիճակագրական ծառայության տվյալներով՝ օգոսոտոսին մայրաքաղաքում տավարի մսի 1 կիլոգրամի միջին գինը կազմել է մոտ 2100 դրամ, ոչխարի մսի գինը նույն շրջանում 2200 դրամ էր, խոզի մսինը՝ մոտ 2600 դրամ: Այսօր երևանյան մի քանի խանութներում մեր կատարած դիտարկումները բացահայտեցին, որ տավարի միսը թանկացել է 300-ից 400 դրամով, ոչխարի միսը՝ 500-600 դրամով, խոզի միսը՝ 800-ից 1000 դրամով: