Թայվանի պաշտպանության նախարարությունը կղզու մոտ 39 չինական ինքնաթիռ է նկատել

Թայվանի զինված ուժերը անցած օրը գրանցել են Չինաստանի Ժողովրդա-ազատագրական բանակի (ՉԺԱԲ) 39 ինքնաթիռ եւ երեք նավ, որոնք մոտեցել են կղզուն, վկայում են Թայվանի պաշտպանական գերատեսչության ամենօրյա ամփոփագրի տվյալները։

«Դեկտեմբերի 21-ի ժամը 6.00-ից մինչեւ դեկտեմբերի 22-ի 6.00-ն Թայվանի շուրջ նկատվել են Չինաստանի Ժողովրդա-ազատագրական բանակի 39 ինքնաթիռ եւ երեք նավ»,- նշվել է հաղորդագրությունում։

Տեղեկացվել է, որ 30 ինքնաթիռ մտել է կղզու ՀՕՊ վերահսկվող գոտի, այդ թվում 21 J-16 կործանիչ, CH-4 անօդաչու, KJ-500 երկու ինքնաթիռ, Y-20 լիցքավորող ինքնաթիռ, բազմաթիրախ Z-9 ուղղաթիռ, ինչպես նաեւ չորս H-6 ստրատեգիական ռմբակոծիչ։

Գերատեսչության հայտարարության համաձայն՝ Թայվանն օդային եւ ծովային պարեկ է ուղարկել իրավիճակը հսկելու համար, ինչպես նաեւ պատրաստ վիճակի է բերել ցամաքային բազավորման հրթիռային համալիրները։