«Տենց բաներից մենք հեռու ենք. Ջոնիկ Աբրահամյան».VIDEO

Fnews.am-ը իր նախորդ հրապարակումներից մեկի շրջանակներում գրել էր այն մասին, որ Արարատի մարզի Լուսառատ գյուղի խաղողագործները չեն դադարեցնելու իրենց բողոքի ակցիան այնքան ժամանակ, քանի դեռ գյուղացիներից մթերված բերքի՝ խաղողի գումարները ամբողջությամբ չեն վճարվել:

Բացի այն, որ խաղող մթերող ընկերություններից՝ մասնավորապես Պռոշյանի գինու-կոնյակի գործարանից գյուղացիները իրենց գումարները մասամբ են ստացել, եւ շարունակում են իրենց բողոքի ձայնը բարձրացնել ու դժգոհել, Լուսառատի բնակիչներից մեկն էլ նշել էր այն մասին, որ խաղողի մթերման գումարներից քիչ վճարում է կատարել նաեւ ՀՀ վարչապետ Հովիկ Աբրահամյանի եղբորը՝Ջոնիկ Աբրահամյանին պատկանող գինու-կոնյակի գործարանը, որի հետ կապված էլ արձագանքը չուշացավ: Գործարանի տնօրինությունը շտապեց հավաստիացնելու, որ իրենց գործարանը գյուղացիների հետ ոչ մի պարտք ու պահանջ չունի, եւ որ իրենք գյուղացիների հասանելիք գումարները մարել են դեռեւս 2015 թթ-ի նոյեմբեր ամսին:

Fnews.am-ը այս հարցի շուրջ լսեց նաեւ ԱԺ նախկին պատգամավոր, «Արտաշատ-Վինկոն» գինու, կոնյակի գործարանի սեփականատեր Ջոնիկ Աբրահամյանի տեսակետը, ով մեզ հետ զրույցում պնդեց, որ իրենց գործարանը որեւէ մեկին 10 դրամ անգամ պարտք չէ, եւ որ նման բան չի կարող լինել, քանի որ իրենք իրենց գործերը ճիշտ ձեւով են կազմակերպում:

Առավել մանրամասն՝առաջարկվող տեսանյութերում: