«Թեթև» մայր հայհոյելու համար հերթական դանակահարությունը Երևանի հերթական դպրոցում

Աջափնյակ և Դավթաշեն վարչական շրջանների ընդհանուր իրավասության դատարանում Մարինե Մելքոնյանի նախագահությամբ ավարտվեց դպրոցական Հովիկ Հ.-ի գործի դատական քննությունը:

Հանցագործության կատարման պահին Հովիկը 15 տարեկան դպրոցական էր, հիմա 16 տարեկան է, սովորում է ավագ դպրոցի 11-րդ դասարանում:

Նրա խափանման միջոցը ծնողի հսկողությանը հանձնելն էր:

Հովիկ Հ.-ն մեղադրվում էր տուժողի առողջությանը ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Ըստ մեղադրանքի՝ 2015 թվականի ապրիլի 13-ին, ժամը 20-ի սահմաններում Հովիկն իր տարեկից երեք տղաների հետ կանգնած է եղել Լուկաշինի 1-ին փողոցում:

Պատանիները անվայել արտահայտություններ են արել բարձրաձայն: Նրանցից ոչ հեռու գտնվող քսանամյա Արտակ Խ.-ն ենթադրել է, թե պատանիներն իր հասցեին են անվայել ռեպլիկներ անում: Մոտեցել, փորձել է պարզաբանել: Այնուհետև պարզաբանումը շարունակել են մոտակա դպրոցի տարածքում:

Այնտեղ վիճաբանության ժամանակ Հովիկ Հ.-ն իր մոտ եղած դանակով հարվածել է Արտակ Խ.-ի որովայնին, նրա առողջությանը պատճառել է ծանր վնաս ու ընկերների հետ հեռացել է:

Հովիկ Հ.-ն իրեն մեղավոր է ճանաչում, զղջում է կատարածի համար, տուժողի հետ հաշտվել է:

Տուժողը իր դիմումով դատարանին հայտնել էր, թե հաշտվել է ամբաստանյալի հետ, նրա ծնողները հատուցել են իր բուժման ծախսերը, ինքը Հովիկ Հ.-ից բողոք, պահանջ չունի:

Մանրամասն՝ 1in.am-ում