Տիգրան Կարապետյան. «Ժողովուրդն իշխանության համար սպառող է՝ շաքարավազ գնող»

Forums.am-ի զրուցակիցն է Ժողովրդական կուսակցության նախագահ Տիգրան Կարապետյանը: -Պարոն Կարապետյան, ինչպես կմեկնաբանեք Զարուհի Փոստանջյանի հայտնի ելույթը՝ ԵԽԽՎ-ում: Ի՞նչ էր դա նշանակում, եւ ո՞վ կարող էր կանգնած լինել այդ «օպերացիայի» հետեւում:

-Դե գիտեք ինչ, ես ընդհանրապես դեմ եմ երկրորդական խնդիրներին. ով ինչ ասեց, ով ինչ արեց: Նա կարող էր խոսել, որ իշխանությունը անարդար է, իշխանությունը թերացումներ ունի եւ այլն, եւ այլն, այլ ոչ թե ինչ ա անում նախագահը, ինչ ա անում վարչապետը, ինչ արեց մեկի ախպերը, հորոխպերը: Դրանք երրորդական հարցեր են, իսկ նրանք ուղղակի ուզում են ցույց տալ իրենց ընդդիմադիր լինելը: Ես համարում եմ, որ պետք է խոսել գլխավոր եւ կարևորագույն հարցերի շուրջ, որոնք ի վնաս են հայ ժողովրդին: Օրինակ թալանի մասին, որ ժողովուրդն իշխանության համար սպառող է` շաքարավազ գնող: Ընդհանրապես քաղաքական գործիչը կամ բնակիչը պետք է խոսի, որ անտեսված է, որ այս կամ այն բանը լիարժեք չէ, սուտ է, շատ ու շատ չինովնիկեր շինծու են, այ էդ մասին թող խոսեն: Ոչ թե մեկը կրվեց, մեկը կրեց, մեկն էլ հարսանիք, կամ կնունք արեց: Պետք չէ գնալ ու խոհանոցային հարցերը բարձրացնել ողջ աշխարհի առաջ: Այդ քայլերով մենք ցույց ենք տալիս, որ մեր ազգը ապավինում է դրսի ուժերին: Դա է մեր մեծ ցավը, որովհետև մեզ տանում են մաքսային, հասկանում ե՞ք: -Այսինքն դուք կողմ էիք, որ մենք գնայինք դեպի Եվրոպա՞: -Ուրեմն, դա պետք ա ժողովուրդը որոշի, այլ ոչ թե որոշեն ու… -Ու ի՞նչ: -Դե ոնց-որ չգիտեք, ինձ ե՞ք խոսացնում: Ես սրա հետ ոնց, նրա հետ ոնց: -Ի դեպ, այսօր, ի՞նչ հարաբերություններ ունեք ՀՀ իշխանավորների, եւ քաղաքական թիմերի հետ՝որպես Տիգրան Կարապետիչ: -Ի՞նչ հարաբերություն պիտի ունենամ: Ոչ մի: Ես նորմալ հարաբերությունների կողմնակից եմ: -Պարոն Կարապետյան, Ձեր կարծիքով, ո՞վ է այսօր իսկական ընդիմադիրը, եւ ի՞նչ է ընդիմություն ասվածը: -Այսօր երկրում ոչ իսկական ընդդիմություն կա, ոչ էլ՝ իշխանություն: -Այդ դեպքում, ու՞ր է գնում մեր երկիրը: - Շատ եմ ցավում, բայց այսպես չի կարող շարունակվել: Արդեն իշխանությունը ժառանգությամբ են փոխանցում: Նույն մարդիկ են գալիս.ոչ ժողովրդի կամք են հարցնում, ոչ մի հարցում են անում, ոչ մի բան չեն անում: Սա է ցավը: -Իսկ դուք մտադրություններ ունե՞ք վերադառնալ մեծ քաղաքականություն: -Ես մտածում եմ դրա մասին: Հետո, կասեմ: -Ինչի՞, հիմա չեք կարող ասել: -Դե ասեցի, կասեմ էլի: - Իսկ եթե վերադառնաք քաղաքականություն, ընդիմադիր հատվածում ե՞ք հանդես գալու, թե՞... -Միանշանակ ես ընդիմմադիր կեցվածքով եմ հանդես գալու: Այնքան ժամանակ, մինչև իշխանությունը արդար չլինի, ես այդ կողմը անցնողը չեմ: -Պարոն Կարապետյան, ասում են, որ վերջին ժամանակներս դուք շատ հաճախակի եք այցելում խաղատներ: Դա այդպես է՞: -Ես գնում եմ ամեն տեղ, ուր ուզում եմ. ես ազատ մարդ եմ: Ամեն տեղ էլ գնում եմ` ռեստորան էլ եմ գնում, բար էլ եմ գնում, խաղատուն էլ եմ գնում, դա իմ գործն է: Ես բիզնես չունեմ Հայաստանում. ժողովրդի փողերը իմ մոտ չի, դուք գիտեք, թե ում մոտ են: Էնպես որ, ուր ուզում եմ, ընդեղ էլ գնում եմ: -Իսկ չէիք ասի, թե ու՞մ մոտ են ժողովրդի փողերը: - Չգիտեք ում մոտ ա: Օլիգարխների: Դուք ինձանից լավ գիտեք: -Իսկ Ձեր մոտ ու՞մ փողերն են գտնվում: -Իմ, միայն իմ: -Կեցցեք դուք:

 Զրույցը՝ Զ. ՂԱԶԱՐՅԱՆԻ