Տիգրան Մանսուրյանը պարգևատրվել է «Սուրբ Մեսրոպ Մաշտոց» շքանշանով
Կոմպոզիտոր Տիգրան Մանսուրյանի պատվին հարգանքի ձեռնարկ է տեղի ունեցել Միացյալ Նահանգների արևմտյան թեմի առաջնորդարանում:
Ինչպես տեղեկացնում է «Արմենպրես»-ը՝ վկայակոչելով առաջնորդարանի կայքը, միջոցառումն անցկացվել է մարտի 19-ին Տիգրան և Զարուհի Տեր-Ղազարյան սրահում:
Միջոցառման մեկնարկը տրվել է «Հնչյունների տարածություն» վավերագրական ամփոփ ժապավենի ցուցադրությամբ:
Արվեստաբան Թագուհի Արզումանյանը խոսել է Տիգրան Մանսուրյանի երաժշտական տաղանդի մասին և ներկայացրել Մանսուրյան երգահան և երաժշտագետին որպես հայրենիքի անգին գանձ, իր երաժշտությամբ հայրենիքն ու հայ ազգը հարստացնող արվեստագետ:
Խմբավար ու «Լարք» երաժշտանոցի հիմնադիր տնօրեն Վաչե Պարսումյանն իր տարիների մտերմության և առաջին լսած երաժշտական կտորի առթիվ իր հուշերն է ներկայացրել: Հնչել է նաև հատված Տիգրան Մանսուրյանի՝ Հայոց ցեղասպանության 100-րդ տարելիցին նվիրված «Ռեքվիեմ»-ից:
Առաջնորդարանի սրբազան հայրը տեղեկացրել է, որ Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Ա-ն սրբատառ կոնդակ է շնորհել Տիգրան Մանսուրյանին, որով «Սուրբ Մեսրոպ Մաշտոց» շքանշանով է պարգևատրում նրան:
Սրբատառ կոնդակի ընթերցումից հետո շքանշանը հանձնվել է Տիգրան Մանսուրյանին: Կոմպոզիտորն իր շնորհակալության խոսքն է փոխանցել ներկաներին, ովքեր շնորհավորել են նրան նշանակալի պարգևի առթիվ:
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
Ինչ են հորդորել Արցախի ռազմաքաղաքական ղեկավարները Բաքվից
Ալավերդու համայնքապետարանը 3,8 մլն դրամի պայմանագրեր է կնքել ավագանու անդամի մոր ԱՁ-ի հետ․ «Հետք»
