Տիգրան Ուրիխանյան. «Իմ հայացքներն ու համոզմունքները չեն կարող փոփոխության ենթակա լինել»

«Առաջին լրատվական»-ի զրուցակիցն է ԱԺ ԲՀԿ խմբակցության անդամ Տիգրան Ուրիխանյանը:

-Դուք չմասնակցեցիք երեկվա ԲՀԿ խմբակցության նիստին, որտեղ պետք է ընտրվեին խմբակցության նոր նախագահ և քարտուղար: Մի՞թե Ձեզ չի հետաքրքրում այն հարցը, թե ով է լինելու այն խմբակցության ղեկավարը, որի անդամ եք Դուք:

– Նախ` ուզում եմ ասել, որ խոր հարգանք ունեմ թե՛ խմբակցության նորընտիր ղեկավարի և թե՛ քարտուղարի նկատմամբ և իմ մեջ կրում եմ նրանց և իմ մյուս գործընկերների նկատմամբ բացառապես ջերմ զգացմունքներ: Մեր միջև կարող են լինել գործակցային հարաբերություններ` հանուն Հայաստանի առջև կանգնած լրջագույն խնդիրների բարձրացման և լուծման: Խմբակցության նիստին չեմ մասնակցել` նպատակահարմարությունից ելնելով, և այլ մանրամասներ չէի ցանկանա նշել, սակայն ուզում եմ, որ իմ այս քայլի մեջ այլևայլություններ չփնտրեն և բոլոր ենթադրյալ հարցերի համար չփորձեն ենթադրյալ պատասխաններ գտնել:

-Դուք խոսում եք ջերմ զգացմունքների մասին, բայց բոյկոտում եք խմբակցության նիստը: Մի՞թե բոյկոտը ջերմ զգացմունքների արտահայտման լավագույն միջոցն է, այն դեպքում, երբ Դուք ԱԺ տարածքում եք` խմբակցության սենյակից մի քանի մետր հեռավորության վրա:

-Փորձեմ մի փոքր բացել փակագծերը: Վերջին իրադարձություններից հետո ԲՀԿ-ն հայտարարեց, որ ժամանակ է պահանջվում իրողությունը վերաիմաստավորելու և քաղաքական նոր օրակարգը վերաձևակերպելու համար: Սա նշանակում էր, որ իներցիայի ուժի շրջանակներում` մինչև տեղի կունենա այդ վերաիմաստավորումն ու վերաձևակերպումը, գուցե նաև` քաղաքական բովանդակության վերբեռնումը, ես էլ իմ կողմից սպասում եմ իմ ընկերների կողմից հռչակված այդ վերբեռնման գործընթացի ավարտին, այսինքն` ես սպասում եմ մինչև այդ դադարն անցնի:

-Կարելի է հասկանալ, որ Դուք ցանկանում եք տեսնել, թե ինչ նոր քաղաքական օրակարգ է ձևավորում ԲՀԿ նորընտիր ղեկավարությունը, որպեսզի որոշում կայացնեք` մնալ, թե` չմնալ կուսակցությունում:

-Թույլ տվեք այդ հարցին չպատասխանել, քանի որ դա այնքան էլ կոռեկտ չի լինի իմ գործընկերների նկատմամբ:

Շարունակությունը ` սկզբնաղբյուր կայքում: