Տնտեսագետ Նարինե Օհանյանը` Ռուսաստանում տիրող ընթացիկ իրավիճակի մասին. Հայկական Ժամանակ

Մոսկվայում բնակվող մեր հայրենակից, տնտեսագետ Նարինե Օհանյանից, ով աշխատում է մոսկովյան հեղինակավոր ֆիրմաներից մեկում «Հժ»-ն հետաքրքրվել է Ռուսաստանում տիրող ընթացիկ իրավիճակի մասին:

-Տիկին Օհանյան, ռուսական ռուբլին արագ տեմպերով արժեզրկվում է, տարեսկզբից արժեզրկումը հասել է 32 տոկոսի, այդտեղ մարդկանց շրջանում խուճապ չկա՞:

-Իրենք պրակտիկորեն ոչ մի բանից չեն վախենում, և ըստ էոթյան, խուճապ չկա այդ առիթով: Բայց դա նախ նրանից է, որ բոլորն անցել են ռուբլով աշխատավարձ վճարելուն, կուրսի տատանումը ազդում է այն պլանով, որ բառացիորեն բոլոր ապրանքները շա՜տ թանկացել են: Այդ պլանով մենք ռեալ զգում ենք, որ ահավոր վիճակ է, լուրջ կրիզիս է արդեն: Իսկ մնացած բոլոր առումներով դոլարի և եվրոյի կուրսը չի հուզում: Դա անհանգստացնում է ավելի շատ նրանց, ովքեր զբաղվում են բիզնեսով, ովքեր ունեն վալյուտային լուրջ վարկեր, ովքեր իրենց բիզնեսի համար կիսաֆաբրիկատներ են գնում: Օրինակ, մեր կազմակերպությունը ամբողջությամբ կախված է արտասահմանյան կիսաֆաբրիկատից: Մենք շոկոլադ ենք արտադրում և կիսաֆաբրիկատ ենք գնում: Այդ մարդիկ իսկապես խուճապի մեջ են, այ նրանց համար սա աղետ է:

-Տեղի հայերի մոտ ի՞նչ տրամադրաթյուններ են: Հայաստանի պաշտոնական վիճակագրությունը ցույց է տալիս, որ Ռուսաստանից ՀՀ եկող տրանսֆերտները, հունիսից սկսած, ամսեամիս պակասում են 8-10 տոկոսով՝ անցած տարվա նույն ժամանակահատվածի համեմատ:

-Միջին բիզնեսը այստեղ շատ վատ վիճակում է, պահանջարկը կտրուկ ընկել է, բոլոր նրանք, ովքեր աշխատում են արտասահմանյան արտադրության հիմքի վրա, արտասահմանյան ապրանքներ են վերավաճառում, դրանց հենքի վրա արտադրում ապրանքներ բոլորի մոտ շատ ծանր վիճակ է: Բոլոր կիսաֆաբրիկատները գալիս են Եվրոպայից, և բնականաբար, ամեն ինչ թանկացել է, ամեն ինչ բերում է նրան, որ պահանջարկն ընկնում է: Իսկ մեր հայրենակիցները հիմնականում զբաղված են միջին բիզնեսում ու այստեղ հիմա կրիզիս է: Իմ ամուսնու մոտ էլ շատ ծանր իրավիճակ է:

-Խանութներում այս պահին ի՞նչ վիճակ է։

-Բառացիորեն անցյալ շաբաթ ես 3-4 օր չէի եղել այդ խանութում, մտա ու լոլիկ գտա և ապշեցի: Արժեր 120 ռուբլի, խաղողը 125 ռուբլի, նախկինում լոլիկը այս սեզոնին 60-70 ռուբլի էր: Չեն թողնոմ, որ դատարկ լինի, բայց, ասենք, խանութի կեսը վարունգ է լցրած, կեսը սոխ է լցրած, տեսականին շատ փոքր է, մրգեր չկան: Եղածը շատ թանկ ե Եվրոպական ապրանք հատուկենտ հնարավոր է գտնել:

-Ընդհանուր մթնոլորտն ինչպիսի՞ն է

-Ամեն ինչ հանդարտ է: Մտահոգվում են միայն նրանք, ովքեր հասկանում են մակրոէկոնոմիկա-յից. կարողանում են գլոբալ գնահատել իրավիճակը: Իսկ ովքեր ապրում են իրենց հացով, կաթով, կարագով, դեռ լռում են: Դե, թանկացել է, այսպես կապրենք:

- Բայց տարբեր հարցումներով, կարծես թե Պուտինի վարկանիշն ընկնում է

- Այո, Ղրիմի իրադարձություններից հետո անցյալ շաբաթ առաջին անգամ հայտարարեցին, որ Պուտինի վարկանիշն ընկել է: Իսկ այդ հայրենասիրական հռետորիկան որ կար, ասում էին մենք ուժեղ ենք, մենք կռուտոյ ենք, մենք Ղրիմը վերադարձրինք, Ուկրաինայի կեսը կվերցնենք և այլն, նման բաներ էլ չեն ասում, հիմա լռում են բոլորը:

Ամբողջությամբ` թերթի այսօրվա համարում։