Թո՛ղ բուլղարացիները մեզ նայեն եւ կուլտուրա սովորեն. Հենրիխ Մխիթարյան

Հայաստանի ազգային հավաքականի ֆուտբոլիստ Հենրիխ Մխիթարյանը խաղից հետո պատասխանել է  armfootball.com-ի հարցերին:

- Արդարարությունը վերականգնվե՞ց:

- Ինձ թվում է, որ բոլորն էլ տեսան, ոչ մի պրովոկացիայի չդիմեցինք: Ծանր հաղթանակ էր, տղաները կարողացան իրենց առաջադրանքը մինչև վերջ կատարել: Թո՛ղ բուլղարացիները տեսնեն, որտեղ են եկել ու հասկանան, որ մենք մարդ ենք, ոչ թե նրանց պես ոչ մարդկային հատկանիշներով օժտված: Թող մեզ նայեն և կուլտուրա սովորեն:

- Խաղի մասին ի՞նչ կասես:

- Կարող եմ ասել, որ նույնիսկ 1-1 հաշվի ժամանակ ես վստահ էի, որ հաղթելու ենք որովհետև մեր տղաների աչքերում հաղթելու ցանկություն ու կրակ էի տեսնում:

- Երկրպագուների աջակցությունը շա՞տ էր օգնում:

- Միանշանակ շնորհակալ եմ նրանց, ովքեր եկել էին և նրանց, ովքեր հեռուստացույցից այն կողմ էին մեզ երկրպագում: Այս հաղթանակը մեր ազգի հաղթանակն է: