Տո ինչ ըլնում ա` բյուջեին ըլնի, կարեւորը` խնամիս ու ես լավ ըլնենք…

Comment 

Ալեքսանյանին «փեշքեշ» են արել…

Ֆինանսների նախարարությունը մշտական հսկողության տակ է առել առավել խոշոր և թիրախային 100 ներմուծող եւ արտադրող ընկերությունների: Նախարարության մամուլի ծառայությունից տեղեկանում ենք, որ հոկտեմբերի 1-ից 10-ն ընկած ժամանակահատվածում նախորդ տարվա նույն ժամանակաշրջանի համեմատ մատակարարների կողմից դուրս գրված հարկային հաշիվների քանակի աճը կազմել է 50 հազար 367 հատ կամ 106%, որոնցում արտացոլված շրջանառության գումարը աճել է 466.3մլն դրամով կամ 8%-ով: Այդ աճը պայմանավորված է մի քանի խոշոր հարկ վճարողների կողմից դուրս գրված հարկային հաշիվների եւ շրջանառությունների աճով, որոնցից առանձնացման ենթակա են՝ «ԱԼԵՔՍ ԳՐԻԳ»՝ 405.9մլն (1636 հատ), «Գրանդ Քենդի հայ-կանադական ՀՁ»՝ 211.5մլն (11976 հատ), «ՎԻՏԵՍ»՝ 228.7մլն դրամ (նույն քանակի պարագայում) ընկերությունները: Նշված հարկ վճարողների մոտ 2014 թվականի հոկտեմբերի 1-ից 10-ն ընկած ժամանակահատվածում նախորդ ամսվա նույն ժամանակաշրջանի համեմատ մատակարարների կողմից դուրս գրված հարկային հաշիվների քանակի աճը կազմել է 10 հազար 901 հատ կամ 13%, որոնցում արտացոլված շրջանառության գումարն աճել է 778.7մլն դրամով կամ 14%-ով:

Ստվերային շրջանառությունների կրճատման ուղղությամբ իրականացվող միջոցառումներով Ֆինանսների նախարարությունն էլեկտրոնային հարկային հաշիվների շարժի դիտարկմամբ պարզել է, որ սեպտեմբերի 21-ից 30-ն ընկած ժամանակահատվածում ՀՀ ողջ տարածքում օբյեկտիվ կամ սույբեկտիվ պատճառներով տնտեսվարող սուբյեկտների կողմից անվավեր կամ չեղյալ է ճանաչվել 3885 էլեկտրոնային հարկային հաշիվ՝ 2.2մլրդ դրամ ընդհանուր արժեքով: ՀՀ ֆինանսների նախարարի 23.07.2014թ. «Էլեկտրոնային եղանակով դուրս գրված հարկային հաշիվների նկատմամբ հսկողություն իրականացնելու մասին» հանձնարարականի համաձայն՝ ՀՏ-ների (ՏՀՏ) կողմից իրականացվում են հարկային հաշիվների անվավեր կամ չեղյալ ճանաչման դեպքերի ամենօրյա վերլուծություններ, որոնց արդյունքում չեղյալ եւ անվավեր ճանաչման հաճախ կրկնվող դեպքերում համապատասխան հարկ վճարողներին ուղարկված իրազեկման թերթիկներին համապատասխան նրանց կողմից տրված բացատրությունների հիման վրա գնահատվել է հարկ վճարողների ռիսկայնությունը: Յուրաքանչյուր ամսվա արդյունքներով ռիսկային համարված հարկ վճարողների մոտ նախատեսվել եւ իրականացվում են հարկային ընթացիկ հսկողության միջոցառումներ:

Պահո~, , զարմանահրաշ բաներ են կատարվում Արգամիչյան Հայասատանում:

Փաստորեն, հայոց շուկայի գերակա արքաներից մեկը` նույն ինքը, Սամվել Լիմինդրովիչը, ընդամենը մեկ օրում դարձավ խոշոր տնտեսվարող եւ իր կամքից անկախ դարձավ ՀՀ խոշորագույն հարկատուներից մեկը: Շատ հետաքրքիր է. այդ ինչպ՞ես եղավ, որ բիզնեսի հետ կապ չունեցող եւ մի կերպ յոլա գնացող Ալեքսանյանը, ում անվան հետ է կապվում մի շարք ընկերությունների`այդ թվում նաեւ «Ալեքս Գրիգի» գործունեությունը, մեկ օրում դարձավ բիզնեսմեն ու սկսեց հարկեր մուծել պետբյուջե`դառնալով խոշոր հարկատու:

Ի՞նչ է.շաքարավազն է շատ ներմուծվել Հայաստան, թե՞ մեծ թափ է առել Ալեքսանյանի «թողարկած» օղիների վաճառքը, կամ գուցե՞ հայ ազգն է այս մեկ ամսվա ընթացքում բռով դեղահաբեր օգտագորել` կառավարության վզի հնարավորություններին դիմանալու համար…
Եւ վերջապես, ո՞վ է պատասխան պահանջելու կամ տալու, որ մինչ այսօր Սամվել Ալեքսանյանը բիզնեսմեն ու խոշոր հարկատու չի եղել: Արդյո՞ք ջրի երես են դուրս գալու պետությունից տարված գումարները, որոնց հասցեն ըստ էության հայտնի է: Թե՞ այդ գումարները վաղուց Ալեքսանյանին «փեշքեշ»են արել… 

Պատկերացրեք, թե ինչպիսի բարգավաճող երկիր կդառնար Հայաստանը, եթե մինչ այսօր միջին հարկ մուծողները` պոտենցիալ Սամվել Ալեքսանյան լինեին…
Բայց դե քանի որ մենք աղա կառավարություն ունենք, աշխարհը չունի, Լֆիկի տարած թվերն էդ ի՞նչ թվեր էին, որ մի հատ էլ «չջրվեին», ինչի տենց թվեր ե՞ն ջրվում հանուն ախպերության ու քավոր-սանիկական ջերմագին հարաբերությունների:

Տո' ինչ ըլնում ա` բյուջեին ըլնի, կարեւորը` խնամիս ու ես լավ ըլնենք…

Տաթեւիկ Աբրահամյան

Իսկ թե  վերջերս,  «դիվանագիտական»  նշանակության ինչպիսի փոխադարձ տեսակետներ  էին հնչեցրել ՀՀ վարչապետ Հովիկ Աբրահամյանն  ու Աժ պատգամավոր, գործարար Սամվել Ալեքսանյանը` բյուջեն լցնելու կապակցությամբ, առաջարկում ենք, եւս  մեկ անգամ  դիտել այս տեսանյութը: