Թող նրանց ներքեւում դատի ժողովուրդը, վերեւում՝ Աստված

Comment

«Որպես Ծառուկյանի ընկեր և «Բարգավաճ Հայաստան» կուսակցության հիմնադիրներից մեկը՝ լինելու եմ իմ ընկերոջ կողքին: Դա իմ բարոյական և քաղաքական պարտքն է»: Այսպես էր մեկնաբանել ՎՊ նախկին նախագահ Իշխան Զաքարյանը՝ Ծառուկյանի դաշինքին միանալու իր որոշումը:

Ու չնայած սկսեցին լուրեր շրջանառվել, թե ՀՀԿ-ն լքելու և Ծառուկյանի դաշինքին միանալու հայտարարությամբ հանդես կգա նաև Իշխան Զաքարյանի կինը՝ Երևանի քաղաքապետարանի Հանրակրթության վարչության պետ Գայանե Սողոմոնյանը, սակայն այդ լուրերն այդպես էլ մնացին օդում կախված:

Մինչդեռ, ճշտվող լուրերի համաձայն, Ծառուկյանի դաշնակիցը դարձած Զաքարյանի կինը, ներքին կարգով փորձում է իր յուրային տնօրենների միջոցով հանրօգուտ գործ կատարել՝ հանուն ԲՀԿ-ի...
Եւ  մինչ նախկին բարձրաստիճան պաշտոնյան բարձրաձայնում է «բարոյական և քաղաքական պարտքի» մասին, Գայանե Սողոմոնյանի մոտ նուն «բարոյական և քաղաքական պարտքի» զգացողությունը լռում է:
ՀԱԿ անդամ Զոյա Թադևոսյանը անդրադառնալով դիտարկմանը՝ նշում է.«Բարգավաճ Հայաստան» կուսակցության կամ Ծառուկյան դաշինքի մասին որևէ կարծիք չեմ հայտնի, իսկ Իշխան Զարքարյանի մասին,  կասեմ հետևյալը. Թո՛ղ նրանց ներքևում դատի ժողովուրդը, վերևում՝ Աստված…»:
Ըստ նրա ժողովուրդը պետք է պատասխանատվություն զգա իր կառավարության, իր երկրի իշխանության, Ազգային ժողովի նկատմամբ:
«Այ երբ ժողովուրդը ինքը ավելի գիտակից ու պատասխանատու կմոտենա քաղաքական ուժին, ժողովրդի քվեից էլ արդեն պարզ կդառնա քաղաքական ուժի գնահատականը…»,-եզրափակեց Զոյա Թադևոսյանը:

Ա. Սահակյան